Род Хадкевічаў

Палац Хадкевічаў у Вільні

Супрасльскі манастыр заснаваны Аляксандрам Хадкевічам

Хадкевічы — шляхецкі род Вялікага княства Літоўскага герба «Касцеша». Асобныя прадстаўнікі роду карысталіся гербам «Грыф з мячом».

Паходзяць ад баярына Ходзькі, ў 1434 ён разам з іншымі падпісаў акт уніі ВКЛ з Польшчай. У другой палове 16-га стагоддзя Хадкевічы перайшлі з праваслаўя ў кальвінізм, а потым у каталіцтва. У 1568 сярэдняя галіна роду атрымала графскі тытул Свяшчэннай Рымскай імперыі. Тытул быў прызнаны ў ВКЛ, тытулаваліся графамі на «на Шклове і Мышы». Пасля згасання сярэдняй галіны роду ў 1626 тытул перайшоў да малодшай галіны.

Маёнткі Хадкевічаў знаходзіліся на тэрыторыя сучаснай Беларусі ў Гарадзенскім павеце (Бераставіца, Рось), Новагародскім павеце (Мыш), Аршанскім павеце (Шклоў, Быхаў), валодалі часткай Глускага маёнтка; на тэрыторыі сучаснай Польшчы на Падляшшы (Заблудаў, Супрасль, Дойліды).