Старэ-Кейкуты (база)

З Вікіпедыі, свабоднай энцыклапедыі
Від з дарогі на Старакейкуцкае возера, абгароджанае плотам з-за размешчанага ля возеры навучальнага цэнтра.

Навучальны цэнтр Агенцтва разведкі (польск.: Ośrodek Szkolenia Agencji Wywiadu), вядомы таксама як Воінская часць № 2669 (польск.: Jednostka Wojskowa 2669) — навучальны цэнтр Агенцтва разведкі Польшчы  (польск.) (бел.[1], размешчаны каля вёскі Старэ-Кейкуты  (польск.) (бел. (гміна Шчытна, Шчыценскі павет, Вармінска-Мазурскае ваяводства). З 2005 года з’яўляўся таксама адной з сакрэтных турмаў ЦРУ ва Усходняй Еўропе[2].

Гісторыя[правіць | правіць зыходнік]

Пры нямецкай акупацыі Польшчы падчас Другой сусветнай вайны тут знаходзіўся навучальны цэнтр СД[3], а аэрапорт, які размяшчаўся ў 20 км (з сярэдзіны 1990-х — Міжнародны аэрапорт Шчытна-Шыманы) выкарыстоўваўся Люфтвафэ для бамбардзіровак Варшавы. З восені 1971 года, пры ПНР, у Старэ Кейкуты быў адкрыты Навучальны цэнтр персаналу разведкі — падраздзяленне 1-га дэпартамента Міністэрства ўнутраных спраў, які адказваў за знешнюю разведку. Гэта быў адзіны навучальны цэнтр разведслужбаў краін АВД за межамі Савецкага Саюза. Пасля падзення камуністычнага рэжыму працягваў выкарыстоўвацца як навучальны цэнтр польскіх спецслужбаў.

Турма ЦРУ[правіць | правіць зыходнік]

На мяжы 2005—2006 гадоў стала вядома, згодна з дакладам Савета Еўропы[4][5], што на тэрыторыі базы ў парушэнне законаў Польшчы і міжнародных законаў супрацоўнікі ЦРУ ЗША праводзілі допыты і катаванні зняволеных.

Тагачасны кіраўнік Агенцтва разведкі Польшчы Збігнеў Сяменткоўскі пацвердзіў[6], што на базе існуюць дзве «ўнутраныя зоны», куды маюць доступ супрацоўнікі ЦРУ, адна з іх называецца Strefa B (Зона Б). Як казалі іншыя прадстаўнікі польскай разведкі[7], амерыканскі персанал базы пражываў у закрытых зонах.

Пасля апублікавання ў снежні 2014 года дакладу сенацкага камітэта па разведцы аб катаваннях ЦРУ  (англ.) (бел. эск-прэзідэнт Польшчы ў перыяд з 1995 па 2005 год Аляксандр Квасьнеўскі прызнаў, што менавіта ён даў згоду размясціць у краіне сакрэтную базу ЦРУ, але яе дзейнасць павінна была ажыццяўляцца ў адпаведнасці з польскім заканадаўствам[8].

Зноскі

  1. ↑ NameBright - Coming Soon(недаступная спасылка). Архівавана з першакрыніцы 7 сакавіка 2007. Праверана 10 чэрвеня 2012.
  2. ↑ Hunt for CIA 'black site' in Poland Архівавана 11 чэрвеня 2007., BBC, 28 December 2006
  3. ↑ OST:BLOG: Die polnische Unschuld ist unantastbar!. Архівавана з першакрыніцы 23 красавіка 2012. Праверана 10 чэрвеня 2012.
  4. ↑ Oficjalny raport końcowy ze śledztwa Dicka Marty’ego dla Rady Europy, [1] Архівавана 10 чэрвеня 2006 года. (HTML), [2] (PDF)
  5. ↑ Dokument przyjęty przez Zgromadzenie Parlamentarne Rady Europy(недаступная спасылка). Архівавана з першакрыніцы 29 сакавіка 2015. Праверана 15 чэрвеня 2019.
  6. ↑ Archiwum Gazety Wyborczej. Архівавана з першакрыніцы 19 красавіка 2009. Праверана 10 чэрвеня 2012.
  7. ↑ CIA: Al-Kaida-Häftlinge offenbar in Polen verhört — Politik | STERN.DE
  8. ↑ Matthew Day (10 December 2014). "Polish president admits Poland agreed to host secret CIA 'black site'". Daily Telegraph. Праверана 17 December 2014.
Узята з "https://be.wikipedia.org/w/index.php?title=Старэ-Кейкуты_(база)&oldid=4610266"