Сцяг Арызоны

Сцяг штата Арызона
Зацверджаны	27 лютага 1917
Прапорцыя	2:3
Аўтар сцяга	Чарльз В. Харыс

Сцяг Арызоны (англ.: Flag of Arizona) - адзін з сімвалаў амерыканскага штата Арызона.

Сцяг штата Арызона уяўляе сабой прамавугольнае палотнішча перасечаная на дзве роўныя часткі. Верхняя частка складаецца з 13 прамянёў чырвонага і залатога колеру (колеры канкістадораў і сцяга Іспаніі), прадстаўляючы 13 першапачатковых акругаў Арызоны (цяпер 15 акругаў), гэтак жа сімвалізуючы маляўнічыя заходы Арызоны. Ніжняя частка сцяга сіняга колеру сімвалізуе свабоду. У цэнтры сцяга змешчана зорка меднага колеру, якая сімвалізуе медную горназдабыўную прамысловасць Арызоны.

У 1910 годзе, палкоўнік Чарльз В. Харыс, кіраўнік Арызонскай нацыянальнай гвардыі, распрацаваў сцяг для арызонскай каманды стралкоў, якія выступалі ў нацыянальных спаборніцтвах. Да гэтага моманту, каманда з Арызоны была адзінай камандай, якая не мела свайго сцяга.

Гэты сцяг быў зацверджаны афіцыйным сцягам штата Арызона 27 лютага 1917 г., трэцім дзяржаўным сходам штата. Законапраект быў прыняты без подпісу губернатара Томаса Кампбэла. Сам губернатар афіцыйна не патлумачыў сваіх прычын бяздзейнасці ў гэтым пытанні.

У апытанні, праведзеным у 2001 годзе Паўночнаамерыканскай Вексілагічнай Асацыяцыяй, Арызонскі сцяг быў названы адным з «10 лепшых сцягоў на кантыненце», заняўшы шостае месца з 72-х Паўночнаамерыканскіх сцягоў.

Пабудова сцяга

Стаўленне вышыні да даўжыні - 2:3. Промні сонца наверсе падзеленыя на трынаццаць роўных доляй, якія, пачынаючы з чырвонага прамяня, напераменку чаргуюцца з залатым промнем. У цэнтры сцяга, медная зорка вышынёй у палову вышыні сцяга. Ніжняя частка сцяга - сіняга колеру, у палову вышыні ад вышыні сцяга. Чырвоны і сіні колер маюць тое жа самае адценне, якое выкарыстоўваецца на сцягу ЗША. Вызначэнне колеру медзі і золата ў законе не агаворваюцца. Прапанаваны памер сцяга - чатыры на шэсць футаў, зорка - два фута вышынёй.