Тэтрод

Тэтрод
Медыяфайлы на Вікісховішчы

Тэтро́д — электронная лямпа з чатырма электродамі — катодам, анодам, кіруючай і экраніруючай сеткамі. Распрацаваны ў 1919 годзе нямецкім вучоным В. Шоткі.

Тэтрод па сутнасці з’яўляецца ўдасканаленнем трыёда. Першая сетка, размешчаная каля катода, з’яўляецца кіруючай. Другая сетка змяшчаецца паміж першай сеткай і анодам. У выніку яе экраніруючага дзеяння значна змяншаецца прахадная ёмістасць (прыкладна ў 100 разоў) і павялічваецца (прыкладна ў 10 разоў) каэфіцыент узмацнення. На экраніруючую сетку падаецца дадатнае напружанне, роўнае аноднаму або меншае за яго.

Прамянёвыя тэтроды 6П3С (СССР) і 6L6 (ГДР)

Недахоп тэтрода

Электроны, трапіўшыя на анод, выбіваюць з яго другасныя электроны. Трапляючы на экраніруючую сетку, гэтыя электроны прыводзяць да павелічэння яе току і змяншэнню току анода. Гэтая з’ява носіць назву дынатронны эфект. З мэтай яго прадухілення паміж анодам і экраніруючай сеткай змяшчаюць дадатковы электрод, факусіруючы электроны ў пучкі («промні»). У выніку гэтага паміж анодам і экраніруючай сеткай утвараецца патэнцыяльны бар’ер, перашкаджаючы другасным электронам трапляць на сетку. Такая электронная лямпа мае назву прамянёвы тэтрод.

Літаратура

• Галкин В. И. Промышленная электроника: Учеб. пособие. — Мн.: Вышэйшая школа, 1989. — С. 58—59. — 336 с. — 21 000 экз. — ISBN 5-339-00075-3. (руск.)
• Тетро́д / Мошкович С. М. // Т. 25. Струнино — Тихорецк. — М. : Советская энциклопедия, 1976. — С. 519. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Тетро́д // Большая политехническая энциклопедия / Авт.-сост. В. Д. Рязанцев. — М.: Мир и образование, 2011. — С. 540. — 704 с. — 2 000 экз. — ISBN 978-5-94666-621-3. (руск.)
• Тэтро́д // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 146. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• На Вікісховішчы ёсць медыяфайлы па тэме Тэтрод