Чарапецкае
| Чарапецкае возера | |
|---|---|
 Чарапёцкае возера, заходняя частка | |
| Морфаметрыя | |
| Вышыня над узроўнем мора | 138,9[1] м |
| Даўжыня | 5,45 км |
| Шырыня | 0,94 км |
| Плошча | 2,03 км² |
| Аб’ём | 0,0061 км³ |
| Даўжыня берагавой лініі | 14,8 км |
| Найбольшая глыбіня | 5 м |
| Сярэдняя глыбіня | 3 м |
| Гідралогія | |
| Салёнасць | да 0,17 ‰ |
| Празрыстасць | 1,2 м |
| Басейн | |
| Плошча вадазбору | 194 км² |
| Упадаюць | рака Рудня, ручаі |
| Выцякаюць | рака Чарапяціца |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Чарапецкае возера |
|
|
|
|
 Чарапецкае возера |
|
 |
|
 Медыяфайлы на Вікісховішчы | |
Чарапе́цкае возера[2][3][4], Чарпе́цкае возера[2][3][4], Чарпе́т[2][3][4], Чарапет[5] — возера ў Расонскім раёне Віцебскай вобласці Беларусі, у басейне ракі Нішча, за 6 км на поўнач ад гарадскога пасёлка Расоны, за 2 км на паўночны ўсход ад вёскі Глаты.
Плошча паверхні 2,03 км². Даўжыня 5,45 км, найбольшая шырыня 0,94 км. Даўжыня берагавой лініі 14,8 км. Найбольшая глыбіня 5 м, сярэдняя 3 м. Аб’ём вады 6,1 млн м³. Плошча вадазбору 194 км².
Катлавіна лагчыннага тыпу, складанай формы, выцягнутая з захаду на ўсход. Схілы катлавіны на поўначы і захадзе вышынёй 2—4 м, на поўдні 5—9 м, на ўсходзе да 15 м, пераважна пад лесам. Берагавая лінія звілістая. Берагі нізкія, на паўночным усходзе зліваюцца са схіламі катлавіны. Месцамі на поўначы і поўдні пойма шырынёй да 200 м. Мелкаводдзе пясчанае, глыбей дно выслана сапрапелем.
Возера эўтрофнае. Зарастае да глыбіні 2,5—3 м. Прыбярэжная расліннасць пашыраецца на адлегласці 15—85 м ад берага. Возера праточнае. Праз возера цячэ рака Чарапяціца, якая злучае яго з азёрамі Мылінскае, Валькоўскае; упадае рака Рудня і 2 ручаі.
У возеры водзяцца шчупак, лешч, язь, плотка, лінь, акунь, карась і іншыя рыбы.
Зноскі
- ↑ Ліст карты N-35-10. Выданне 1987 года. Стан мясцовасці на 1986 год. (руск.)
- ↑ а б в Блакітная 1994.
- ↑ а б в ЭПБ 1986.
- ↑ а б в БелЭн 2003.
- ↑ Госкартоцент
Літаратура[правіць | правіць зыходнік]
- Чарапе́цкае во́зера, Чарпе́цкае во́зера, Чарпе́т // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — С. 390, 395. — 415 с. — 10 000 экз. — ISBN 5-85700-133-1.
- Чарапе́цкае во́зера, Чарпе́цкае во́зера, Чарпе́т // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 222, 246. — 10 000 экз. — ISBN 985-11-0035-8. — ISBN 985-11-0279-2 (т. 17).
- Чарапе́цкае во́зера, Чарпе́цкае во́зера, Чарпе́т // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 315, 327. — 583 с., іл. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 12. — 72 с. — 10 000 экз. — ISBN 978-985-508-136-5. (руск.)