Эдуард Аляксандравіч Акулін

Эдуард Аляксандравіч Акулін
Асабістыя звесткі
Дата нараджэння	7 студзеня 1963(1963-01-07) (61 год)
Месца нараджэння	Вялікія Нямкі, Вяліканямкоўскі сельсавет, Гомельскі раён, Гомельская вобласць, БССР, СССР
Альма-матар	Гомельскі дзяржаўны ўніверсітэт імя Францыска Скарыны
Месца працы	Беларуская хатка Першацвет Полымя Дзеяслоў Верасень
Прафесійная дзейнасць
Род дзейнасці	перакладчык, паэт
Мова твораў	беларуская
Грамадская дзейнасць
Член у	Саюз беларускіх пісьменнікаў
Прэміі	Гліняны Вялес (2014) Літаратурная прэмія імя Міколы Ганька[d] (2013)
Узнагароды	Лятучае срэбнае пяро[d] (2016)

Эдуард Акулін, Эдуард Аляксандравіч Акулін (нар. 7 студзеня 1963, в. Вялікія Нямкі, Веткаўскі раён, Гомельская вобласць, БССР) — беларускі паэт, перакладчык, бард.

Біяграфія

Выхаванне і адукацыя

Нарадзіўся 7 студзеня 1963 г. у вёсцы Вялікія Нямкі на Веткаўшчыне.

Скончыў Гомельскі дзяржаўны ўніверсітэт і аспірантуру НАН Беларусі.

Працоўная дзейнасць

Працаваў настаўнікам, загадчыкам філіяла Літаратурнага музея Максіма Багдановіча «Беларуская хатка», намеснікам галоўнага рэдактара часопіса «Першацвет», загадчыкам аддзела паэзіі часопіса «Полымя», намеснікам галоўнага рэдактара часопіса «Дзеяслоў» і намеснікам старшыні Саюза беларускіх пісьменнікаў. Цяпер — галоўны рэдактар літартурна-мастацкага часопіса «Верасень».

Паэтычная творчасць

Зборнікі паэзіі:

• «Лес дзённага асвятлення» (1988)
• «Пяшчота ліўня» (1990)
• «Крыло анёла» (1995)
• «Радно» (2000)
• «Непрычалены човен» (2003)
• «Вітражы» (2009)
• «Малітва воч» (2012)
• «Святая ноч» (2013)

З’яўляецца аўтарам драматычнай містэрыі «На Каляды» (1996); двух песенных магнітаальбомаў: «Мая Крывія» (1995), «Як яна і я» (2000); а таксама кампакт-дыскаў: «Напачатку была Песьня» (2003), «Песьні залатой Крывіі» (2008), «Не магу жыць без крыл…» (2012).

З’яўляецца аўтарам шматлікіх перакладаў з украінскай, польскай, літоўскай, славенскай, балгарскай і нямецкай моў.

Вершы Эдуарда Акуліна перакладаліся на англійскую, французскую, італьянскую, украінскую, рускую, польскую, балгарскую, славенскую, харвацкую, сербскую, літоўскую, латышскую і нямецкую мовы.

Узнагароды

• (1993) Лаўрэат Першага нацыянальнага фестывалю беларускай бардаўскай песні
• (2013) Лаўрэат міжнароднай прэміі Міколы Ганька
• (2014) Лаўрэат літаратурнай прэміі «Гліняны Вялес»
• (2016) Лаўрэат літаратурнай прэміі «Срэбнае лятучае пяро», Балгарыя

Літаратура

• Эдуард Аляксандравіч Акулін // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

• Эдуард Акулін // budzma.by