Ян Любсевіч

Ян Любсевіч
польск.: Jan Lubsiewicz лац.: Joannes Lubsiewicz
Дата нараджэння	21 чэрвеня 1758(1758-06-21)
Месца нараджэння	Сандамірскае ваяводства, Малапольская правінцыя, Карона Каралеўства Польскага, Рэч Паспалітая
Дата смерці	14 мая 1826(1826-05-14) (67 гадоў)
Месца смерці	Старая Весь, Галічына
Грамадзянства	Рэч Паспалітая
Род дзейнасці	святар
Месца працы	Полацкі езуіцкі калегіум Віцебскі езуіцкі калегіум Магілёўскі езуіцкі калегіум

Ян Любсевіч (польск.: Jan Lubsiewicz, лац.: Joannes Lubsiewicz; 21 чэрвеня 1758, Сандамірскае ваяводства — 14 мая 1826, Старая Весь, Галічына) — святар і педагог.

Уступіў у Таварыства Ісуса 24 жніўня 1780 г. у Полацку і стаў адным з першых навіцыяў (паслушнікаў) навіцыяту, які быў урачыста адкрыты ў горадзе 2 лютага 1780 г. У 1788 г. у Полацку высвечаны на ксяндза. Прафесар паэтыкі і рыторыкі ў калегіумах Полацка (1791—1792) і Віцебска (1792—1795). Прэфект школ і прапаведнік у Магілёве (1795—1796), Полацку (1796—1799), Віцебску (1799—1802) і Пецярбургу. З 1810 па 1813 гг. — рэктар Магілёўскага езуіцкага калегіума, а ў потым рэктар і магістр навіцыяту ў Пушы (1813—1819) і Ужвальдзе (1819—1820).

Пасля выгнання езуітаў з Расійскай імперыі (1820) паехаў на Галічыну. Віцэ-рэктар у Цярнопалі (1821—1822), віцэ-рэктар і намеснік магістра навіцыяту ў Старой Весі (1822—1826).

Літаратура

• Инглот, М. Общество Иисуса в Российской Империи (1772—1820 гг.) и его роль в повсеместном восстановлении Ордена во всем мире / М. Инглот; пер. А. Н. Коваля. — М. : Институт философии, теологии и истории св. Фомы, 2004. — 632 с.
• Encyklopedia wiedzy o jezuitach na ziemiach Polski i Litwy 1564—1995 / oprac. L. Grzebień. — Kraków : Wyd-wo WAM, 1996. — 882 s.