Паўлінава вока рыжае начное

Паўлінава вока рыжае начное
Паўлінава вока рыжае начное, Беларусь
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Інфраатрад:  Heteroneura Надсямейства:  Bombycoidea Серыя:  Saturniiformes Сямейства:  Паўлінавочкі Падсямейства:  Agliinae Род:  Aglia Від:  Паўлінава вока рыжае начное
Міжнародная навуковая назва
Aglia tau
Сістэматыка на Віківідах Выявы на Вікісховішчы NCBI   469311

Паўлінава вока рыжае начное (Aglia tau) — еўра-азіяцкі від паўлінавочак падсямейства Agliinae. На кожным крыле маецца вялікае фіялетавае вочка, у цэнтры якога размешчаны белы малюнак у выглядзе грэчаскай літары t — таў — адсюль навуковая назва віду.

Апісанне

Даўжыня пярэдняга крыла — 30-39 мм Размах крылаў самцоў 50-55 мм, а самак — 65-80 мм. Самкі буйней самцоў.

Асноўны фон крылаў — памяранцава-карычневы. Афарбоўка ярка-жоўтая у самак і больш цёмная, рыжаватая — у самцоў.

Пасярэдзіне кожнага крыла знаходзіцца буйная вочкавая пляма белага колеру, акружаная сіне-фіялетавым і чорным кольцамі. Гэтыя плямы на пярэдніх і задніх крылах прыкладна роўнага памеру, у адрозненне ад блізкага віду - Aglia japonica. Вусікі самцоў — грабеньчатыя.

Aglia tau

• 
  ♂
• 
  ♂ △
• 
  ♀
• 
  ♀ △

Aglia tau f. melaina

• 
  ♂
• 
  ♂ △
• 
  ♀
• 
  ♀ △

Распаўсюджанне

Еўропа, Еўрапейская частка Расіі, Сібір, Прыамур’е, Усходняя Азія. Паўночная мяжа арэала праходзіць па 62 градусе паўночнай шыраты. Від адсутнічае на Брытанскіх астравах. У Японіі, на поўдні Сахаліна і Паўднёвых Курылах насяляе блізкі від - Aglia japonica Leech, 1889, які адрозніваецца буйнымі вочкавымі плямамі на задніх крылах і прыметна больш дробнымі вочкавымі плямамі на пярэдніх.

Месцапражыванні

Разрэджаныя змяшаныя і драбналістыя лясы, пойменныя дубровы, лісцяныя лясы параснікавага паходжання. Матылёк сустракаецца лакальна.

Час лёту

Развіваецца ў адным пакаленні. Час лёту з красавіка да сярэдзіны чэрвеня. Аднак, вельмі рэдка можна сустрэць свежых матылькоў таксама і ў жніўні.

Біялогія

Самкі малаактыўныя, вялікую частку жыцця праводзяць седзячы на раслінах. Самцы актыўныя ў пошуках самак не толькі ў цёмны час сутак, але і днём, адшукваюць іх з дапамогай ферамонаў. Матылі маюць рудыментарны хабаток і не харчуюцца.

Размнажэнне

Стадыя вусеня з мая да пачатку жніўня. Вусень першых узростаў з двума рожкамі на спіне. Пасля трэцяй лінькі яны знікаюць. Дарослы вусень зялёны, бакавая паласа і кольца за галавой жоўтыя, дыхальцы чырвоныя.

Маладыя вусені жывуць групамі, пазней вядуць адзіночны спосаб жыцця. Зімуе кукалка у бурым грушападобным кокане.

Кармавыя расліны

Кармавыя расліны вусеня: дуб, цёрн, бяроза (Betula), вольха чорная (Alnus glutinosa), вольха шэрая (Alnus incana), бук, вярба казіная (Salix caprea), рабіна звычайная (Sorbus aucuparia) і ліпа драбналістая (Tilia cordata), яблыня.

Падвіды і формы

• Падвід: Aglia tau amurensis Jordan, 1911
• Падвід: Aglia tau homora Jordan, 1911
• Падвід: Aglia tau tau (Linnaeus, 1758)
• Форма: Aglia tau ab. ferenigra Th.
• Форма: Aglia tau ab. melaina Gross

Заўвагі па ахове

Від занесены ў Чырвоную кнігу Украіны.

Галерэя

• 
  Малады вусень
• 
  Вусень апошняга ўзросту
• 
  Кукалка
• 
  Арэал віду на тэрыторыі Еўропы

Спасылкі

• Vlindernet
• waarneming.nl
• Lepidoptera of Belgium Архівавана 14 лютага 2011.