Boeing

The Boeing Company
Тып	Публічная кампанія
Лістынг на біржы	NYSE: BA
Год заснавання	1916
Размяшчэнне	ЗША: Чыкага
Ключавыя фігуры	Джэймс МакНерні (старшыня савета дырэктараў і прэзідэнт)
Галіна	Авіябудаванне, касмічнае машынабудаванне
Прадукцыя	Грамадзянскія, ваенныя самалёты, касмічная тэхніка
Абарот	▼ 64,3 млрд дол. (2010 год)
Чысты прыбытак	▲ 3,3 млрд дол. (2010 год)
Колькасць супрацоўнікаў	160,5 тыс. чалавек (студзень 2011 года)
Сайт	www.boeing.com

«БО́ІНГ», «Бо́інг Карпарэ́йшн» [англ. Boeing], авіякасмічная карпарацыя ў ЗША. Штаб-кватэра: Чыкага (ЗША).

Галоўныя вытв. падраздзяленні: «Камерцыйныя самалёты Боінга» [Boeing Commercial Airplanes] і «Інтэграваныя абаронныя сістэмы Боінга» [Boeing Integrated Defense Systems]. Вытв. магутнасці: 3 галоўныя вытв. раёны ў ЗША і інш. (2006). Штат: больш за 150000 работнікаў у ЗША і 70 краінах свету (2006).

Абарот: ~61,5 млрд. USD за год (2006). Карпарацыя мае кліентаў у больш за 90 краінах свету, і з'яўляецца адным з найбольшых лідараў экспарту ЗША у продажах.

Асноўныя кірункі дзейнасці: распрацоўка і выпуск авіякасмічнай тэхнікі (асабліва, пасажырскіх авіялайнераў, ваенных самалётаў), верталётаў, электронных і абаронных сістэм, ракет і ракет-носьбітаў, спадарожнікаў, інфармацыйнай і сувязной тэхнікі. Кампанія з'яўляецца адным з галоўных пастаўцаў паслуг для НАСА, аператарам «Спейс шатла» і Міжнароднай касмічнай станцыі, пастаўцам паслуг падтрымкі абсталявання вайсковых і камерцыйных авіяліній.

Заснавана У. Боінгам 15.7.1916 як «Ціхаакіянскія авіяцыйныя вырабы» [Pacific Aero Products Co.]. Найстарэйшая авіяцыйная кампанія ў ЗША. Назва зменена на «Самалёты Боінга» [Boeing Airplane Co.] 9.5.1917. На 2007, у склад карпарацыі ўваходзяць такія вядомыя раней самастойныя вытворцы, як «Х'юз», «Роквел», «Макдонел Дуглас», «Сцірман», «Норт Амерыкан». Адпаведна, многія вядомыя прадукты гэтых вытворцаў носяць некалькі азначэнняў.

Першы серыйны прадукт: Боінг «Мадэль Сі» (1917).

Гісторыя

Штаб-кватэра карпарацыі «Боінг» у Чыкага

У 1929, «Боінг Эрплейн энд Транспарт Ка.» змяніла назву на «Юнайтэд Эркрафт энд Транспартэйшн Карп.», і да канца года ўлучыла ў сябе «Чэнс Воўт Карп.», «Гамільтан Металплэйн Дывіжн», «Боінг Эркрафт оф Кэнада», «Стаут Эрлайнс», «Нортрап Эвіэйшн Карп.», «Сцірман Эркрафт Ка.», «Сікорскі Эвійэшн Карп.», «Стандард Сціл Прапелер Ка.» і «Прат энд Уітні Эркрафт Ка.». Гэтае аб'яднанне, разам з іншымі падобнымі, было раздзелена ўрадам ЗША ў 1934—1935.

У 1996, кампанія аб'ядналася з авіякасмічнымі і абароннымі падраздзяленнямі «Роквела». Набытыя падраздзяленні атрымалі новую назву «Боінг Норт Амерыкан». У 1997, кампанія аб'ядналася з кампаніяй Макдонел Дуглас". У 2000, было паведамлена аб набыцці «Боінгам» касмічных і камунікацыйных магутнасцяў камп. «Х'юз Электронікс».

Спасылкі

• Афіцыйны сайт(англ.)