Леў Апалінарыевіч Ваньковіч

Леў Апалінарыевіч Ваньковіч
Леў Апалінарыевіч Ваньковіч
	; Герб «Ліс»
Мінскі павятовы маршалак
	1863 — 1872
Папярэднік	Ігнат Стэфанавіч Багдашэўскі
Пераемнік	Павел Міхайлавіч Хамянтоўскі
Нараджэнне	1831; Расійская імперыя
Смерць	пасля 1881
Род	Ваньковічы
Бацька	Апалінарый Янавіч Ваньковіч (?—1857)
Маці	Ізабэла Абуховіч
Жонка	Паўліна Аляксандраўна Манюшка
Дзеці	Павел Эдвард Апалінарый Ваньковіч[d] і Леў Львовіч Ваньковіч

Дагледжаная версія гэтай старонкі, зацверджаная 8 красавіка 2019, была заснавана на гэтай версіі.

Леў Апалінарыевіч Ваньковіч (1831—пасля 1881) — мінскі павятовы маршалак (1863—1872), буйны землеўласнік Мінскай губерні.

Паходжанне і сям'я

Належаў да сярэднезаможнага каталіцкага шляхецкага роду Ваньковічаў гербу «Ліс», прадстаўнікі якога займалі розныя пасады ў Менскім ваяводстве ВКЛ і Магілёўскай і Мінскай губернях Расійскай імперыі.

Ажаніўся з дваранкай-каталічкай Паўлінай Аляксандраўнай Манюшкай, суседкай па Ігуменскаму павету^[1].

Дзеці:

Аляксандра (нар. 1861 г.).
Павел (нар. 1862 г.), ажаніўся з графіняй Кларай-Сафіяй Патоцкай, валодаў маёнткамі Шыпяны, Алесіна і Поцічава^[1].
Андрэй (нар. 1863)^[2].
Леў (1872—1949), ажаніўся з графіняй Стэфаніяй Густаваўнай Плятэр (Броэль-Плятэр), валодаў маёнткамі Волма і Смілавічы^[1].

Службовая дзейнасць

Расійскімі ўладамі як лаяльны каталіцкі дваранін і буйны маёнтковец быў прызначаны на пасаду мінскага павятовага маршалка (1863—1872). Атрымаў прыдворны чын камер-юнкера Расійскага двара.

Маёнткі

Стаў адзіным спадчыннікам свайго бацькі, дзеда і прадзеда. Валодаў спадчыннымі маёнткамі Волма, Шыпяны, Алесіна; у 1874 г. у якасці пасагу атрымаў за жонкай Паўлінай Манюшкай маёнтак Смілавічы, а пазней і маёнтак Поцічава — пасля смерці Чэслава Манюшкі.

Грамадская і гаспадарчая дзейнасць

У 1878 г. мінскі губернскі маршалак (1877—1897) Васіль Іванавіч Паўлаў, імкнучыся прыцягнуць да працы ў Мінскім таварыстве сельскай гаспадаркі (1876—1921) і мясцовых дваран каталіцкага паходжання («палякаў»), накіраваў у ліку першых асоб запрашэнне да членства ў арганізацыі былому мінскаму павятоваму маршалку (1863—1872) Льву Ваньковічу.

Палац у Смілавічах, фота раней 1917 г.
Палац у Смілавічах, фота 2008 г.
Вежа палаца ў Смілавічах, фота 2008 г.
Палац у Смілавічах (від ззаду), фота 2008 г.

Зноскі

Літаратура

Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.
Ваньковичи / Департамент по архивам и делопроизводству Министерства юстиции Республики Беларусь [и др.] ; сост.: Н.А. Голубева, Н.М. Усова, Л.В. Языкович ; под научной редакцией В.И. Прокопцова. — Минск : БелЭн, 2012. — 442 с.
Konarski, S. Wańkowiczowie herbu Lis odmienny / S. Konarski. — Paryż, 1960.

[СРВ-1] а ^б ^в «СОВЕТ» РОДА ВАНЬКОВИЧЕЙ

[2] Ваньковічы. Слаўны род зямлі беларускай

[1]

[2]