Станіслаў Сільвестравіч Гайдукевіч
Станіслаў Сільвестравіч Гайдукевіч | |
---|---|
![]() | |
Дата нараджэння | 1 (13) мая 1876 |
Месца нараджэння | |
Дата смерці | 25 мая 1937 (61 год) |
Месца смерці | |
Грамадзянства | |
Альма-матар | |
Працы і дасягненні | |
Месца працы | |
Член у | |
Працаваў у гарадах | Мінск |
Архітэктурны стыль | неакласіцызм |
![]() |
Станіслаў Сільвестравіч Гайдукевіч (1 (13) мая 1876, Мінск — 25 мая 1937, Мінск, НКУС) — беларускі архітэктар.
Біяграфія
Нарадзіў у Мінску ў 1876 годзе, скончыў каморніцкае вучылішча у 1892 годзе, Пецярбургскую акадэмію мастацтваў у 1910 годзе. Атрымаўшы дыплом, малады дойлід у тым жа годзе вярнуўся ў Мінск. У 1921—1927 гг. — загадчык праектнага аддзела Камітэта дзяржаўных пабудоў пры СНК БССР. У 1929—1937 выкладаў у Мінскім архітэктурна-будаўнічым тэхнікуме. У сакавіку 1937 года С. Гайдукевіч быў арыштаваны, а ў маі скончыў жыццё самагубствам ва ўнутранай турме НКУС.
Творчасць
![](http://upload.wikimedia.org/wikipedia/commons/thumb/5/57/Miensk%2C_Zachara%C5%ADskaja-Felicyjana%C5%ADskaja._%D0%9C%D0%B5%D0%BD%D1%81%D0%BA%2C_%D0%97%D0%B0%D1%85%D0%B0%D1%80%D0%B0%D1%9E%D1%81%D0%BA%D0%B0%D1%8F-%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F_%281915%29.jpg/250px-Miensk%2C_Zachara%C5%ADskaja-Felicyjana%C5%ADskaja._%D0%9C%D0%B5%D0%BD%D1%81%D0%BA%2C_%D0%97%D0%B0%D1%85%D0%B0%D1%80%D0%B0%D1%9E%D1%81%D0%BA%D0%B0%D1%8F-%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F_%281915%29.jpg)
С. Гайдукевіч будаваў жылыя даходныя дамы па вул. Захар'еўскай (вул. Савецкая, 17, 1912 г.), Падгорнай (вул. К. Маркса, 1913 г.), дом Кастравіцкай па Васільеўскім завулку (раён цяперашняй пл. Незалежнасці, 1914 — знішчаны ў 1964 г.). У 1917—1927 гг. займаўся аднаўленнем разбураных будынкаў. У свой час ён пабудаваў Польскі банк; сумесна з архітэктарам Г. Гаем — дом Мінскага таварыства ўзаемнага сельскагаспадарчага страхавання, дзе зараз размяшчаецца МУС Беларусі. У 1929 годзе сумесна з архітэктарам Радзевічам рэалізаваў яшчэ адзін важны праект — Цэнтральны дом селяніна на рагу вуліц К. Маркса і Чырвонаармейскай (знішчаны падчас Вялікай Айчыннай вайны). Удзельнічаў у 1930 годзе ў распрацоўцы праекта (галоўны ўваход, асноўныя павільёны) Першай Усебеларускай сельскагаспадарчай і прамысловай выстаўкі.
У творчасці выразна прасочваецца імкненне да адраджэння беларускіх архітэктурных традыцый і стварэння гарадской ансамблевай забудовы. Як прадстаўнік неакласіцызму свядома дамагаўся гратэскавай выразнасці будынкаў шляхам мадэрнізацыі форм і дэталей архітэктурнай класікі.
Зноскі
Літаратура
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі
![]() |
Станіслаў Сільвестравіч Гайдукевіч на Вікісховішчы |
---|