Свята-Троіцкая царква (Салтанаўшчына)

Славутасць
Свята-Троіцкая царква
Свята-Троіцкая царква са званіцай
53°11′37″ пн. ш. 26°48′45″ у. д.
Краіна	Беларусь
Аграгарадок	Салтанаўшчына
Канфесія	БПЦ
Епархія	Слуцкая епархія
Архітэктурны стыль	класіцызм
Дата пабудовы	1826
Медыяфайлы на Вікісховішчы

Свята-Троіцкая царква — праваслаўны храм у а. Салтанаўшчына Нясвіжскага раёна. Размешчана на ўскраіне вёскі, на могілках. Пабудавана ў канцы XVIII ст. з цэглы. Помнік архітэктуры з выкарыстаннем форм позняга класіцызму

Архітэктура

Царква ўяўляе сабой выцягнуты прамавугольны ў плане будынак, накрыты двухсхільным дахам з трохвугольным франтонам на галоўным фасадзе. Сцены (акрамя алтарнай) прарэзаны высокімі лучковымі аконнымі праёмамі, паміж якімі — шырокія лапаткі. На галоўным фасадзе, пад уваходам 2 певялікія паўцыркульныя нішы і паўцыркульнае акно паміж імі. Франтон завершаны квадратнай у сячэнні вежачкай на барабане.

Інтэр'ер

Унутраная прастора падзелена тонкімі драўлянымі калонамі на 3 нефы з бэлечным перакрыццем. Над уваходам — хоры па драўляных калонках. Алтар мураваны.

Званіца

Побач з храмам знаходзіцца двух'ярусная званіца. Першы ярус мураваны, другі — драўляны, з прамавугольнымі праёмамі.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Троіцкая царква (Салтанаўшчына)
• Свята-Троіцкая царква (Салтанаўшчына) на сайце Глобус Беларусі (руск.)