Каўнаская духоўная семінарыя
| Рыжская каталіцкая духоўная семінарыя | |
|---|---|
 | |
| Арыгінальная назва | літ.: Kauno kunigų seminarija |
| Год заснавання | 1864 |
| Канфесія | Каталіцтва |
| Сайт | kks.lcn.lt |
Ковенская духоўная семінарыя (літ.: Kauno kunigų seminarija) — вышэйшая каталіцкая спецыяльная навучальная ўстанова для падрыхтоўкі святароў у Каўнасе і з'яўляецца найбуйная каталіцкая семінарыя ў Літве. Лічыцца часткай тэалагічнага факультэта Ўніверсітэта Вітаўта Вялікага.
Гісторыя
Пасля паўстання 1863—1864 гадоў рэзідэнцыя біскупа Жамойці Мацеюса Валанчуса была перанесена з Варняя ў Каўнас. У гэтым жа годзе пры манастыры цыстэрцыянцаў і касцёле св. Георгія была ўтворана духоўная семінарыя. З 1863 па 1870 гады колькасць навучэнцаў у семінарыі быў абмежаваны, бо службовыя асобы Расійскай імперыі не дазвалялі набор новых навучэнцаў.
Падчас Першай сусветнай вайны семінарыя пераехала ў Трашкунай, будынак семінарыі ў Каўнасе быў пераўтвораны ў вайсковы лазарэт. У 1918 годзе пасля здабыцця Літвы незалежнасці семінарыя вярнулася ў Каўнас.
Пасля анексіі Літвы Савецкім Саюзам Каўнаская семінарыя засталася адзінай у Літве, усе іншыя былі закрыты. Большасць будынкаў семінарыі былі канфіскаваны, а многія святары арыштаваны ці дэпартаваны.
Пасля абвяшчэння Літвой у 1990 годзе незалежнасці семінарыі вярнулі яе былыя будынкі[1].
Выкладчыкі
- Антанас Баранаўскас, літоўскі паэт, мовазнавец, царкоўны дзеяч. каталіцкі прэлат, біскуп сейненскі.
- Майроніс, літоўскі паэт і драматург.
- Казімерас Сцяпонас Шаўліс, літоўскі рыма-каталіцкі святар, падпісант Акта аб незалежнасці Літвы 1918 года.
Вядомыя выпускнікі
- Тадэвуш Кандрусевіч, каталіцкі архібіскуп-мітрапаліт Мінска-Магілёўскі.
- Аляксандр Кашкевіч, каталіцкі біскуп Гродзенскі.
- Людас Адамаўскас, літоўскі дзяржаўны дзеяч, Старшыня Народнага Сойма Літвы ў 1940.
- Эдвард Роп, рэлігійны і грамадска-палітычны дзеяч Літвы, Беларусі і Польшчы.
- Эўгеніюс Бартуліс, літоўскі каталіцкі біскуп.