Новы Двур (Сакульскі павет)
Вёска
 Касцёл Святога Яна Хрысціцеля
Новы Двур на карце Польшчы ±   | ||||||||||||||||||||
Но́вы Двор (польск.: Nowy Dwór) — вёска ў Польшчы, на рацэ Бобры. Цэнтр сельскай гміны Сакольскага павета Падляскага ваяводства. Насельніцтва на 2012 год — 625 чалавек. Знаходзіцца за 27 км на поўнач ад Саколкі, за 63 км на поўнач ад Беластоку.
Новы Двор — даўняе магдэбургскае горад гістарычнай Гродзеншчыны (частка Троччыны), на беларускай этнічнай тэрыторыі. Да нашага часу тут захаваўся касцёл Святога Яна Хрысціцеля, помнік архітэктуры XVI—XIX стагоддзяў.
Гісторыя
.jpg)
Вялікае Княства Літоўскае
_(2).jpg)
Новы Двор заснавалі ў XV ст. як каралеўскі сталовы маёнтак Гродзенскай эканоміі. Ён уваходзіў у склад Гродзенскага павета Троцкага ваяводства. Паводле падання, у 1513 годзе з фундацыі вялікай княгіні Боны Сфорца тут збудавалі першы касцёл.
12 жніўня 1579 года кароль і вялікі князь Стэфан Батары надаў Новаму Двару Магдэбургскае права і герб: у срэбным полі залаты леў на чырвоным муры[1].
Пад уладай Расійскай імперыі
У выніку трэцяга падзелу Рэчы Паспалітай у 1795 годзе Новы Двор апынуўся ў складзе Расійскай імперыі, у Гродзенскім павеце Гродзенскай губерні.
Найноўшы час
25 сакавіка 1918 года згодна з Трэцяй Устаўной граматай Новы Двор абвяшчаўся часткай Беларускай Народнай Рэспублікі. 1 студзеня 1919 года ў адпаведнасці з пастановай I з'езду КП(б) Беларусі ён увайшоў у склад Беларускай ССР[2]. Згодна з Рыжскім мірным дагаворам 1921 года Новы Двор апынуўся ў складзе міжваеннай Польскай Рэспублікі, у Гродзенскім павеце Беластоцкага ваяводства. У 1934 годзе статус паселішча панізілі да вёскі.
З пачаткам Другой сусветнай вайны 15 верасня 1939 года Новы Двор акупавалі войскі Трэцяга Рэйха, але праз тыдзень вёску перадалі СССР згодна з пактам Молатава-Рыбентропа. У лістападзе 1939 года Новы Двор увайшоў у склад БССР, у Беластоцкую вобласць. З чэрвеня 1941 да верасня 1944 года вёска зноў знаходзілася пад нямецкай акупацыяй. 16 жніўня 1945 года ўлады СССР перадалі Кузніцу Польскай Народнай Рэспубліцы. У 1955 годзе ў Новым Двары збудавалі мураваную царкву.
Насельніцтва
Дэмаграфія
- XIX стагоддзе: ~1886 год — 1083 чал., з іх 445 каталікоў, 38 праваслаўных і 438 іўдзеяў[3]
- XXI стагоддзе: 2012 год — 625 чал.
Турыстычная інфармацыя
Славутасці
- Касцёл Святога Яна Хрысціцеля (1547, 1877—1878)
- Могілкі: каталіцкія, праваслаўныя
- Царква Святога Мікалая (1955)
Асобы
- Станіслаў Грынкевіч (1902—1945) — беларускі грамадскі і палітычны дзеяч
- Францішак Грынкевіч (1884—1933) — беларускі каталіцкі дзеяч
- Янка Чарапук (пс. Змагар; 1896—1957) — беларускі грамадска-палітычны дзеяч, арганізатар беларускага жыцця ў Чыкага
- Оскар Фабіян (1846—1899) — польскі матэматык і фізік
Зноскі
- ↑ Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5. С. 207.
- ↑ 150 пытанняў і адказаў з гісторыі Беларусі / Уклад. Іван Саверчанка, Зміцер Санько. — Вільня: Наша Будучыня, 2002.— 238 с. ISBN 9986-9229-6-1.
- ↑ Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. S. 13.
Літаратура
- Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.
- Słownik geograficzny Królestwa Polskiego i innych krajów słowiańskich. Tom VII: Netrebka — Perepiat (польск.). — Warszawa, 1886.
Спасылкі
На Вікісховішчы ёсць медыяфайлы па тэме Новы Двур (Сакульскі павет)- Новы Двор на сайце Radzima.org
