Таццяна Іванаўна Аляксеева

Таццяна Іванаўна Аляксеева
руск.: Татьяна Ивановна Алексеева
Дата нараджэння	7 лютага 1928(1928-02-07)
Месца нараджэння	Казань, Аўтаномная Татарская Савецкая Сацыялістычная Рэспубліка, РСФСР (сёння — Рэспубліка Татарстан, Расія)
Дата смерці	22 чэрвеня 2007(2007-06-22) (79 гадоў)
Месца смерці	Вязьма, Вяземскі раён, Смаленская вобласць, Расія
Месца пахавання	Пятніцкія могілкі[d]
Грамадзянства	СССР  Расія
Род дзейнасці	вучоная
Навуковая сфера	антрапалогія
Месца працы	НДІ антрапалогіі імя Дз. М. Анучына МДУ імя М. В. Ламаносава
Навуковая ступень	доктар гістарычных навук
Навуковае званне	акадэмік РАН[d] (1992)
Альма-матар	Маскоўскі дзяржаўны ўніверсітэт імя М. В. Ламаносава
Навуковы кіраўнік	Віктар Валяр’янавіч Бунак
Вядомыя вучні	Aleksandra Buzhilova[d] і Maria B. Mednikova[d]
Член у	Расійская акадэмія навук
Узнагароды

Таццяна Іванаўна Аляксеева (руск.: Татьяна Ивановна Алексеева) (7 лютага 1928, Казань, Аўтаномная Татарская Савецкая Сацыялістычная Рэспубліка, РСФСР (сёння — Рэспубліка Татарстан, Расія) — 22 чэрвеня 2007) — савецкі і расійскі антраполаг, доктар гістарычных навук (1969), акадэмік РАН (1992).

У 1951 г. Маскоўскі дзяржаўны ўніверсітэт імя М. В. Ламаносава. Працавала ў НДІ антрапалогіі імя Дз. М. Анучына МДУ імя М. Ламаносава.

Навуковая дзейнасць

Даследавала краніялагічныя матэрыялы з усходнеславянскіх курганных могільнікаў XI — XV стст., у т.л. з тэрыторыі рассялення дрыгавічоў, радзімічаў і полацкіх крывічоў, у параўнанні з ранне- і познасярэдневяковымі пахаваннямі заходніх і паўднёвых славян, балцкага і фіна-ўгорскага насельніцтва. Гэта дазволіла зрабіць шэраг вывадаў пра генетычныя вытокі, антрапалагічныя асаблівасці розных славянскіх плямён як следства іх кантактаў з абарыгенным насельніцтвам пры рассяленні па тэрыторыі Усходняй Еўропы. Распрацавала канцэпцыю экалагічнай абумоўленасці фарміравання адаптыўных тыпаў у сувязі з паходжаннем расавых асаблівасцей.

Творы

• Адаптация человека в различных экологических нишах земли: Биологические аспекты: Курс лекций / Т. И. Алексеева; Международный независимый эколого-политологический университет. — М.: Изд-во МНЭПУ, 1998. — 278, [1] с.
• Адаптивные процессы в популяциях человека. — М.: Изд-во МГУ, 1986. — 215 с.
• Влахи. Антропо-экологическое исследование: По материалам средневекового некрополя Мистихали / Т. И. Алексеева, Д. В. Богатенков, Г. В. Лебединская; НИИ и Музей антропологии МГУ и др. — М.: Научный мир, 2003. — 131 с.
• Географическая среда и биология человека / Т. И. Алексеева. — М.: Мысль, 1977. — 302 с.
• Этногенез восточных славян по данным антропологии. — М.: Изд-во Московского университета, 1973. — 330 с.

Літаратура

• Салівон, І. І. Аляксеева Таццяна Іванаўна / І. І. Салівон // Археалогія Беларусі: энцыклапедыя: у 2 т. / [склад. Ю. У. Каласоўскі; рэдкалегія: Т. У. Бялова (гал. рэд.) і інш.]. Т. 1: А ― К. — Мн.: Беларуская Энцыклапедыя імя П. Броўкі, 2009. — 492, [1] c. — С. 27. — ISBN 978-985-11-0353-5.