Юрый Яцэнтавіч Раманоўскі

Юрый Яцэнтавіч Раманоўскі
Дата нараджэння	1 снежня 1974(1974-12-01) (49 гадоў)
Месца нараджэння	Алешавічы, Мікелеўшчынскі сельсавет, Мастоўскі раён, Гродзенская вобласць, БССР, СССР
Грамадзянства	Беларусь
Род дзейнасці	выкладчык універсітэта
Месца працы	Гродзенскі дзяржаўны ўніверсітэт імя Янкі Купалы Полацкі дзяржаўны ўніверсітэт імя Ефрасінні Полацкай
Навуковая ступень	кандыдат фізіка-матэматычных навук
Альма-матар	Гродзенскі дзяржаўны ўніверсітэт імя Янкі Купалы (1997)
Узнагароды	Падзяка Прэзідэнта Рэспублікі Беларусь[d] (2015)

Юрый Яцэнтавіч Раманоўскі (нар. 1 снежня 1974, в. Алешавічы, Мастоўскі раён, Гродзенская вобласць) — беларускі вучоны, кандыдат фізіка-матэматычных навук, рэктар Полацкага дзяржаўнага ўніверсітэта (з 2022 года).

Біяграфія

У 1997 годзе скончыў матэматычны факультэт Гродзенскага дзяржаўнага універсітэта імя Янкі Купалы, у 2002 годзе — аспірантуру Беларускага дзяржаўнага універсітэта па спецыяльнасці «Геаметрыя і тапалогія», у 2008 годзе абараніў кандыдацкую дысертацыю на тэму «Геометрия собственной группы Пуанкаре» ў спецыялізаваным савеце пры Інстытуце матэматыкі Нацыянальнай акадэміі навук Беларусі.

У Гродзенскім дзяржаўным універсітэце імя Янкі Купалы працуе з 2002 года, з 2008 года па 2010 год — намеснік дэкана факультэта матэматыкі і інфарматыкі, з 2010 па 2015 год — начальніка вучэбна-метадычнага кіравання ўніверсітэта, з 2015 па 2019 год — дэкан факультэта даўніверсітэцкай падрыхтоўкі. З 2019 года займаў пасаду прарэктара па навуковай рабоце Гродзенскага дзяржаўнага ўніверсітэта імя Янкі Купалы.

Выбраная бібліяграфія

Асноўныя накірункі навуковых даследаванняў — геаметрыя аднародных прастор, спароджаных глабальнымі парамі; інварыянтныя дыферэнцыяльна-геаметрычныя структуры на аднародных прасторах. З’яўляецца аўтарам 22 навуковых прац. Курсы, якія выкладаюцца: Уводзіны ў матэматыку, Геаметрыя і алгебра.

З’яўляецца аўтарам больш за 70 навуковых і навукова-метадычных работ, распрацоўшчыкам курсаў «Геаметрыя і алгебра», «Дыферэнцыяльная геаметрыя і тапалогія».

Узнагароды

Узнагароджаны Граматай Дзяржаўнага камітэта па навуцы і тэхналогіях Рэспублікі Беларусь, Ганаровымі граматамі ўпраўлення адукацыі Гродзенскага абласнога выканаўчага камітэта, Ганаровай граматай і Граматай ўстановы адукацыі «Гродзенскі дзяржаўны ўніверсітэт імя Янкі Купалы». У 2016 годзе ён быў занесены на Дошку Гонару Ленінскага раёна Гродна. У 2015 годзе Прэзідэнта Рэспублікі Беларусь аб’яўлена падзяка за плённую працу, узорнае выкананне працоўных абавязкаў і дасягненні ў галіне навукі і адукацыі.