Мангола-Маньчжурскі стэп

Мангола-Маньчжурскі стэп
Эказона	Палеарктыка
Біём	Умераныя лугі, саваны і кустарнікі
Плошча	887 300 км²
Краіны	Кітай, Манголія і Расія
Захаванасць	Крытычны/пад пагрозай знікнення
Абаронена	5.09 %

Мангола-Маньчжурскі стэп — засушлівы стэп, размешчаны ў Манголіі і поўначы Кітая.

Размяшчэнне

Мангола-Маньчжурскі стэп мае плошчу 887 300 км². Экарэгіён мае форму вялікага паўмесяца вакол пустыні Гобі, распасціраецца па тэрыторыі Цэнтральнай і Усходняй Манголіі, усходняй часткі Унутранай Манголіі, Усходняй і Цэнтральнай Маньчжурыі і на паўднёвым захадзе на Паўночна-Кітайскай раўніне. На паўночным усходзе і поўначы Селенга-Архонскі і Даурскі лесастэп утвараюць пераходную зону паміж стэпам і лясамі Сібіры на поўначы. На ўсходзе і паўднёвым усходзе стэп пераходзіць да ўмераных лісцевых і змешаных лясоў, у тым ліку змешаных лясоў Маньчжурыі, лісцевых лясоў Паўночна-Кітайскай раўніны і Цэнтральна-кітайскага лёсавага плато змешаных лясоў. На паўднёвым захадзе стэп распаўсюджваецца да ракі Хуанхэ, праз стэп плато Ордас.

Флора

Дамінуючай флорай з’яўляюцца некалькі відаў кавыля: Stipa baicalensis, Stipa capillata, Stipa grandis; аўсяніца валіская (Festuca valesiaca), Festuca ovina, Aneurolepidium chinense, Filifolium sibiricuman, і Cleistogenes sqarrosa.

Паўднёва-заходнія схілы хрыбта Вялікі Хінган маюць шыракалістыя лясы Quercus mongolica, або лісцевыя лясы таполяў Populus davidiana і Populus suaveolens, Betula platyphylla і Salix rorida.

Фаўна

• Crossoptilon mantchuricum — адзіная эндэмічная птушка ў экарэгіёне
• Байбак (Marmota bobak)
• Воўк (Canis lupus)
• Мангольскі дзэрэн (Procapra gutturosa)
• Конь Пржавальскага (Equus ferus przewalskii)
• Карсак (Vulpes corsac)

Спасылкі

• Mongolian-Manchurian grassland (World Wildlife Fund)