Шыракалістыя лясы
Шыракалістыя лясы ўтвораны лістападнымі дрэвамі з шырокімі ліставымі пласцінкамі.
Зоны шыракалістых лясоў умераных паясоў Паўночнага і Паўднёвага паўшар'яў, размешчаныя бліжэй да экватара ад зон мяшаных лясоў (часам разглядаюцца як падзоны ў складзе адзінай лясной зоны ўмераных паясоў). Шыракалістыя лясы найбольш развіты на захадзе Еўразіі, у Паўночнай Амерыцы пашыраны на паўднёвы ўсход ад Вялікіх азёр.
Клімат зоны шыракалістых лясоў умераны, пераважна акіянічны, з халаднаватай зімой (сярэдняя тэмпература студзеня ад 5°С да -15 °С) і адносна працяглым цёплым летам (сярэдняя тэмпература ліпеня да 22°С). Ападкаў 600—1500 мм за год, што прыблізна адпавядае выпаральнасці. Рачная сетка густая, рэкі паўнаводныя.
3 дрэвавых парод пераважаюць віды дуба, бука, клёна, ліпы і інш. (тут трапляюцца і масівы хвойных лясоў, у Паўночным паўшар'і пераважна хваёвых). У Паўднёвай Амерыцы шыракалістыя лясы прадстаўлены невялікім ўчасткамі лясоў з паўднёвага бука.
Літаратура
[правіць | правіць зыходнік]- Шыракалістых лясоў зоны // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).