Працоўная слава
| «Працоўная слава» | |
|---|---|
| Тып | газета |
| Краіна | |
| Рэдактар | Вераніка Віктараўна Загорская |
| Заснавана | 1939 |
| Мова | беларуская, руская |
| Галоўны офіс | Валожын, пл. Свабоды, 4 |
| Тыраж | 4281 (2019) |
| Вэб-сайт | valozhin.by |
Працоўная слава — раённая газета Валожынскага раёна Мінскай вобласці. Выдаецца з 1939 года. Заснавальнікі газеты — Валожынскі раённы выканаўчы камітэт, раённы Савет дэпутатаў і калектыў рэдакцыі.
Гісторыя
Першы нумар Валожынскай раённай газеты выйшаў у свет 10 кастрычніка 1939 года пад назвай «Іскра». Першая пасляваенная «Іскра» з’явілася ў ліпені 1944-га, апошняя — у снежні 1962 года. У красавіку 1965 года адбываецца другое нараджэнне газеты: яна выдаецца пад назвай «Працоўная слава».
Больш за 30 гадоў пры «Працоўнай славе» дзейнічае літаратурнае аб’яднанне «Рунь». З яго пачыналі свой творчы шлях нашы землякі-паэты Пятро Бітэль, Хведар Чэрня, Казімір Камейша, Віктар Шніп.
Заснавальнікам газеты на сённяшні дзень з’яўляецца Валожынскі выканаўчы камітэт. Тэматыка газеты зарыентавана на асвятленне сацыяльна-эканамічнага жыцця раёна.
На сённяшні дзень газета выходзіць у поўнакаляровым афармленні, выдаецца ў друкарні «Чырвоная зорка» г. Мінска. Газета выходзіць фарматам А3, агульным аб’ёмам 24 старонак у тыдзень[1].
Рэдактары
- Сямён Уладзіміравіч Ломаць
- Софія Ігнатаўна Кавяза
- Таццяна Аляксееўна Шаблыка
- Алена Мікалаеўна Лашук
- Ірэна Францаўна Пашкевіч
- Сяргей Браніслававіч Садоўскі
- Вераніка Віктараўна Загорская