Ёган Шнайдэр-Аман

Ёган Шнайдэр-Аман
ням.: Johann Schneider-Ammann
член Федэральнага савета Швейцарыі[d] 1 лістапада 2010 — 31 снежня 2018
член Нацыянальнага савета Швейцарыі[d] 6 снежня 1999 — 31 кастрычніка 2010
прэзідэнт Швейцарыі[d] 1 студзеня 2016 — 31 снежня 2016
Нараджэнне	18 лютага 1952(1952-02-18)[…] (72 гады) Sumiswald[d], Швейцарыя
Імя пры нараджэнні	ням.: Johann Niklaus Schneider
Жонка	Katharina Schneider-Ammann[d]
Партыя	FDP.The Liberals[d] Свабодная дэмакратычная партыя Швейцарыі[d]
Адукацыя	Швейцарская вышэйшая тэхнічная школа Цюрыха (1977) INSEAD[d] (1983)
Узнагароды	ганаровае грамадзянства[d] (2010)
Медыяфайлы на Вікісховішчы

Ёган Ніклаўс Шнайдэр-Аман (ням.: Johann Niklaus Schneider-Ammann; нар. 18 лютага 1952 года, Зумісвальд, Берн, Швейцарыя) — швейцарскі бізнесмен і палітык. Член Федэральнага савета Швейцарыі, кіраўнік Дэпартамента эканомікі з 1 лістапада 2010 па 31 снежня 2012 года, Дэпартамента па эканамічных пытаннях, адукацыі і даследаваннях Швейцарыі з 1 студзеня 2013 года. У канцы 2014 года быў абраны віцэ-прэзідэнтам Швейцарыі на 2015 год. Праз год быў абраны на прэзідэнцкі тэрмін на 2016 год.

Біяграфія

Сын ветэрынара, Шнайдэр-Аман нарадзіўся ў Зумісвальдзе. Атрымаў дыплом інжынера-электрыка ў Швейцарскай вышэйшай тэхнічнай школе Цюрыха ў 1977 годзе, затым ступень магістра дзелавога адміністравання ў бізнес-школе INSEAD у Францыі ў 1983 годзе.

У 1978 годзе ён стаў мэнэджэрам праекта Oerlikon-Bührle. З 1981 года працаваў у інжынірынгавай кампаніі, якая належыць сям’і яго жонкі Катарыны Шнайдэр-Аман, спачатку генеральным дырэктарам, а з 1990 года ў якасці прэзідэнта Групы Аман. У 2003 годзе ён стаў старшынёй праўлення Mikron Technology Group, дзе да гэтага быў членам праўлення. З 1998 года быў таксама чальцом упраўлення Swatch Group.

22 верасня 2010 года Шнайдэр-Аман быў абраны ў Федэральны савет Швейцарыі замест Ганса-Рудольфа Мерца. Ён узначаліў Федэральны дэпартамент эканомікі з 1 лістапада 2010 года. Раней ён абвясціў аб сваім намеры пакінуць свае пасады ў карпарацыях у выпадку свайго абрання.

1 студзеня 2015 года Шнайдэр-Аман уступіў на пасаду віцэ-прэзідэнта Швейцарыі. Праз год заняў пасаду прэзідэнта краіны.

31 снежня 2018 года пакінуў пасаду ў Федэральным савеце Швейцарыі і сышоў у адстаўку.