Ёргас Самарас

Ёргас Самарас
Агульная інфармацыя
Нарадзіўся	21 лютага 1985(1985-02-21)[…] (39 гадоў) Іракліян, Грэцыя
Грамадзянства	Грэцыя
Рост	192 см
Вага	86 кг
Пазіцыя	нападнік
Клубная кар’ера
2002—2006 Херэнвен 88 (25) 2006—2008 Манчэстэр Сіці 55 (8) 2008 →  Сэлтык 16 (5) 2008—2014 Сэлтык 155 (48) 2014—2015 Вест Бромвіч Альбіён 5 (0) 2015 →  Аль-Хіляль (Эр-Рыяд) 5 (0) 2016 Рая ОКС 24 (2) 2017 Рэал Сарагоса 7 (0) 2017—2018 Самсунспор 25 (2)
Нацыянальная зборная
2004—2006 Грэцыя (да 21) 5 (0) 2006—2014 Грэцыя 81 (9)
Медыяфайлы на Вікісховішчы

Ёргас Самарас (грэч. Γιώργος Σαμαράς; нар. 21 лютага 1985, Іракліян, Грэцыя) — грэчаскі футбаліст, нападнік. Ігрок нацыянальнай зборнай Грэцыі (2006—2014).

Кар’ера

Клубная

Самарас пераехаў у Нідэрланды разам са сваім бацькам, Ёанісам Самарасам, былым прафесійным футбалістам, ва ўзросце 16 гадоў, падпісаўшы кантракт з «Херэнвенам». Упершыню дэбютаваў у сезоне 2003/04, выступаў у дзесяці матчах. За гэтым рушылі ўслед два паспяховых сезоны ў чэмпіянаце Нідэрландаў, пасля чаго на нападніка звярнулі ўвагу скаўты некаторых клубаў англійскай Прэм’ер-лігі. Пасля цікавасці з боку «Арсенала», Ёргас усё ж стаў іграком «Манчэстэр Сіці» за 6 мільёнаў фунтаў.

Яго дэбют у «Манчэстэр Сіці» адбыўся, калі ён выйшаў на замену ў матчы супраць «Ньюкасл Юнайтэд», і адкрыў лік галам у сезоне 2005/06 англійскай Прэм’ер-Лігі 12 лютага 2006 года супраць «Чарльтана», у якім яго каманда святкавала перамогу з лікам 3:2. Але англійскія часы выступаў Самарас нельга лічыць удалымі, амаль адразу рушыў спад у гульні грэчаскага футбаліста.

28 студзеня 2008 года нападнік быў аддадзены ў арэнду «Сэлтыку» да канца сезону. Адна з прычын таго, чыму ён прыняў прапанову «Сэлтыка» была магчымасць быць зайграным, каб лепш падрыхтавацца да выступлення нацыянальнай зборнай Грэцыі на чэмпіянаце Еўропы 2008. Самарас забіў у сваім дэбютным матчы за «кельтаў», а яго новая каманда перамагла «Кілмарнак» у матчы Кубка Шатландыі з лікам 5:1.

22 жніўня 2014 года Самарас на правах свабоднага агента перайшоў у клуб «Вест Бромвіч Альбіён», падпісаўшы кантракт на два гады. Аднак ужо праз паўсезону напачатку 2015 года з’ехаў у саудаўскі клуб «Аль-Хіляль». Па заканчэнні сезону 2014/15 пакінуў «Вест Бромвіч».

У сакавіку 2016 года далучыўся да амерыканскага клуба «Рая ОКС». У лютым 2017 года вярнуўся ў Еўропу, папоўніўшы склад клуба іспанскай Сегунды «Рэал Сарагоса». У жніўні 2017 года перайшоў у турэцкі «Самсунспор», які пакінуў у маі 2018 года і завяршыў кар’еру.

Міжнародная

Самарас мог гуляць за зборную Аўстраліі, бо яго бацька Ёаніса Самарас нарадзіўся ў Мельбурне, але затым пераехаў у Грэцыю ва ўзросце 13 гадоў і паспяхова выступаў за «Панатынаікос» і нацыянальную каманду. Яго дзед, таксама Ёргас, быў адным з заснавальнікаў футбольнага клуба «Саўт Мельбурн».

Аднак Самарас абраў зборную Грэцыі. Дэбютаваў у складзе нацыянальнай каманды ўсяго праз сем дзён пасля свайго 21 дня нараджэння 28 лютага 2006 года ў таварыскай гульні супраць зборнай Беларусі і забіў адзіны гол у матчы.

Дасягненні

«Сэлтык»:

• Чэмпіён Шатландыі (4): 2008, 2012, 2013, 2014
• Уладальнік Кубка Шатландыі (2): 2011, 2013
• Уладальнік Кубка лігі Шатландыі: 2009

Спасылкі

• На Вікісховішчы ёсць медыяфайлы па тэме Ёргас Самарас
• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце soccerbase.com (англ.)