Іаган Франц Энке

Іаган Франц Энке

Іаган Франц Энке (ням.: Johann Franz Encke; 23 верасня 1791 — 26 жніўня 1865) — нямецкі астраном.

Важнае значэнне мелі даследаванні Энке, прысвечаныя камеце, якая атрымала пасля яго імя. У 1819 г. усталяваў, што каметы, адкрытыя П'ерам Мешэнам (1786) і Ж. Понсам (1818), з'яўляюцца адной перыядычнай каметай, якая рухаецца па эліптычнай арбіце з перыядам звароту 3,3 года. Камета Энке — адна з самых цікавых камет, бо мае самы кароткі перыяд звароту і малую перыгелійную адлегласць.