Іван Іванавіч Янушкоўскі

З пляцоўкі Вікіпедыя
Jump to navigation Jump to search
Іван Іванавіч Янушкоўскі
Дата нараджэння 2 (15) мая 1913(1913-05-15)
Месца нараджэння в. Пыжы, Віцебская губерня, Расійская імперыя[1]
Дата смерці 18 верасня 1944(1944-09-18) (31 год)
Месца смерці ваколіцы горада Арад, Румынія
Прыналежнасць Саюз Савецкіх Сацыялістычных Рэспублік
Гады службы 19321935 і 19371944
Званне Гвардыі маёр
Камандаваў 254-м мінамётным палком
Бітвы/войны Вялікая Айчынная вайна
Узнагароды і прэміі
Медаль «Залатая Зорка»
Ордэн Леніна Ордэн Чырвонага Сцяга Ордэн Айчыннай вайны I ступені

Іван Іванавіч Янушкоўскі (2 (15) мая 1913, в. Пыжы, Віцебская губерня, Расійская імперыя (цяпер Лёзненскі раён, Беларусь) — 18 верасня 1944[2]) — камандзір 254-га мінамётных палка 27-й Ленінградскай брыгады (1944), гвардыі маёр, Герой Савецкага Саюза (1945, пасмяротна)[3][4].

Біяграфія[правіць | правіць зыходнік]

Нарадзіўся ў стараверскай сялянскай сям’і. Да вайны працаваў у Віцебску на мэблевай фабрыцы, на будаўніцтве электрастанцыі. На службе ў РСЧА[4] ў 1932—1935 і з 1937. Скончыў 2-е Кіеўскае артылерыйскае вучылішча ў 1939 годзе.

З кастрычніка 1941 года[4] на фронце, а са жніўня 1941 — у перадавых частках на Заходнім, Ленінградскім, 2-ім Украінскім франтах[3], удзельнік Сталінградскай бітвы.

Камандзір мінамётнага палка гвардыі маёр І. І. Янушкоўскі вызначыўся ў баях на тэрыторыі Румыніі[3]. 18[2] верасня 1944 года пры руху калоны артпалка на пазіцыі штаб палка быў атакаваны групай венгерскіх аўтаматчыкаў колькасцю да ўзмоцненай роты. Янушкоўскі асабіста ўзначаліў групу байцоў і работнікаў штаба, якая адсякала нападнікаў, што акружылі штаб, ад калоны, і адстаў штаб і сцяг палка. У гэтым баі Янушкоўскім былі забіты каля 20 гітлераўцаў, але сам ён загінуў[3].

Урна з прахам пахавана ў Віцебску[3].

Узнагароды[правіць | правіць зыходнік]

Званне Героя Савецкага Саюза прысвоена 24.03.45 пасмяротна. Узнагароджаны ордэнам Леніна, Чырвонага Сцяга, Айчыннай вайны I ст., медалямі.

Памяць[правіць | правіць зыходнік]

У Віцебску яго імем названа вуліца.

Зноскі

  1. Цяпер Лёзненскі раён, Беларусь
  2. 2,0 2,1 Паводле іншых дадзеных(Праверана 19 сакавіка 2009) 17 верасня 1944 года
  3. 3,0 3,1 3,2 3,3 3,4 Янушковский Иван Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 718. — 737 с.
  4. 4,0 4,1 4,2 з сайта 60 Гадоў Вялікай Перамозе// Міністэрства абароны Расіі (руск.) 

Літаратура[правіць | правіць зыходнік]

  • Навечно в сердце народном: Справочник / Глав. ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз.

Спасылкі[правіць | правіць зыходнік]

Іван Іванавіч Янушкоўскі на сайце «Героі краіны» (Праверана 19 сакавіка 2009)