Іван Антонавіч Летка

Іван Антонавіч Летка
Асабістыя звесткі
Дата нараджэння	14 чэрвеня 1935(1935-06-14)
Месца нараджэння	Масаляны, Гміна Вялікія Эйсманты[d], Гродзенскі павет, Беластоцкае ваяводства, Польская Рэспубліка
Дата смерці	1999
Месца смерці	Масква, Расія
Грамадзянства	СССР  Расія
Альма-матар	Літаратурны інстытут імя А. М. Горкага (1967)
Прафесійная дзейнасць
Род дзейнасці	паэт
Мова твораў	беларуская

Іван Антонавіч Летка (14 чэрвеня 1935, былы маёнтак Масаляны, Бераставіцкі раён, Гродзенская вобласць — 1999, Масква) — беларускі паэт.

Біяграфія

Нарадзіўся ў сялянскай сям’і. Пасля заканчэння Масалянскай сярэдняй школы (1954) вучыўся ў медыцынскім вучылішчы ў Маскве. Служыў у Савецкай Арміі. Дэмабілізаваўшыся (1955), працаваў грузчыкам на бетонавым заводзе № 5 у Маскве, муляром-дэкаратарам у Цэнтральным тэатры Савецкай Арміі. У 1967 г. скончыў завочнае аддзяленне Літаратурнага інстытута ў Маскве. У 1960—1985 гг. працаваў на аўтазаводзе імя Ліхачова кавалём, майстрам, намеснікам начальніка цэха па вытворчасці, начальнікам участка, інжынерам па кадрах.

Творчасць

Першы верш апублікаваў у 1959 г. (газета «Чырвоная змена»). Аўтар зборнікаў паэзіі «Тры крокі да сонца» (1967), «Тры верасні» (1970), «Грамы на зімоўцы» (вершы і паэма, 1974).

Літаратура

• Іван Антонавіч Летка // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

• Летка Іван Антонавіч на сайце анлайн-энцыклапедыі «Беларусь у асобах і падзеях»