Ігар Міхайлавіч Кароль

Ігар Міхайлавіч Кароль
Дата нараджэння	4 ліпеня 1938(1938-07-04) (86 гадоў)
Месца нараджэння	Смалявіцкі раён, Беларусь
Род дзейнасці	навуковец
Месца працы	БДУФК Мінская абласная клінічная бальніца[d] ІПКіПКАЗ
Навуковая ступень	доктар медыцынскіх навук
Альма-матар	лячэбны факультэт БДМУ (1961)

І́гар Міха́йлавіч Каро́ль (нар. 4 ліпеня 1938, Чырвоны Сцяг, Смалявіцкі раён, Мінская вобласць) — беларускі отарыналарынголаг, доктар медыцынскіх навук, прафесар.

Біяграфія

Нарадзіўся ў сям’і служачых. Скончыў Уздзенскую сярэднюю школу (1955) і лячэбны факультэт Мінскага медыцынскага інстытута (1961). Служыў у Савецкай Арміі (1961—1966).

Працаваў отарыналарынголагам у Мінску 5-й гарадской клінічнай бальніцы, 1966—1972 гг.; старшым навуковым супрацоўнікам, загадчыкам аддзела, намеснікам дырэктара па АСК БелНДІСГІ, 1972—1974 гг.; старшым выкладчыкам, загадчыкам кафедры спартыўнай медыцыны, дацэнтам Беларускага інстытута фізічнай культуры, 1974—1979 гг.; урачом ЛОР-аддзялення Мінскай абласной клінічнай бальніцы, 1979—1981 гг. У 1981 г. абраны асістэнтам кафедры отарыналарынгалогіі БелДІУУ, у 1990 г. зацверджаны ў званні і пасады дацэнта, а ў 1993 годзе — прафесара той жа кафедры. Кандыдат медыцынскіх навук (1971), доктар медыцынскіх навук (1991), прафесар (1993).

Член-карэспандэнт нямецкага таварыства отарыналарынгалогіі, хірургаў галавы і шыі (Бон), член Міжнароднай Акадэміі отарыналарынгалогіі — хірургаў галавы-шыі.

Аўтар больш за 100 навуковых публікацый, шэрагу вынаходніцтваў і рацыяналізатарскіх прапаноў, суаўтар дзвюх манаграфій.

Літаратура

• Кароль Ігар Міхайлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 89. — 10 000 экз. — ISBN 985-11-0035-8. — ISBN 985-11-0144-3 (т. 8).