Ігар Юр’евіч Хамляк

Ігар Хамляк
Поўнае імя	Ігар Юр’евіч Хамляк
Нарадзіўся	20 мая 1988(1988-05-20) (36 гадоў) Мінск, БССР, СССР
Грамадзянства	Беларусь
Рост	185 см
Пазіцыя	брамнік
Маладзёжныя клубы
Дынама (Мінск)
Клубная кар’ера
2003 Дынама (Мінск) 0 (0) 2005—2009 Шахцёр (Салігорск) 8 (-9) 2010 Баранавічы 28 (-29) 2011 Нафтан (Наваполацк) 0 (0) 2012 Граніт (Мікашэвічы) 28 (-23) 2013 Гарадзея 12 (-13) 2014—2016 Граніт (Мікашэвічы) 2 (-4)
Нацыянальная зборная
2004—2005 Беларусь (да 17) 7 (-14) 2006 Беларусь (да 19) 4 (-9)

Ігар Хамляк (нар. 20 мая 1988) — беларускі футбаліст, брамнік.

Клубная кар’ера

Пачынаў кар’еру ў дублі мінскага «Дынама» і салігорскага «Шахцёра». За асноўную каманду гарнякоў згуляў у 8 матчах (у сезонах 2006 і 2008). У сезоне 2010 быў асноўным брамнікам «Баранавічаў» у Першай лізе. Другую палову сезона 2011 правёў у наваполацкім «Нафтане», дзе быў другім брамнікам, але ніводнага разу не з’явіўся на полі.

У 2012 годзе стаў іграком мікашэвіцкага «Граніта», дзе замацаваўся ў якасці асноўнага брамніка. Сезон 2013 правёў у складзе «Гарадзеі», але праз год вярнуўся ў «Граніт». У сезоне 2014 быў другім брамнікам пасля Арцёма Гамялько, з’явіўся на полі толькі 22 лістапада ў матчы апошняга тура супраць «Віцебска» (0:0).

У лютым 2015 года падоўжыў кантракт з «Гранітам». У сезоне 2015 з’яўляўся другім брамнікам пасля Ільі Гаўрылава, на полі ў асноўнай камандзе не з’яўляўся. У студзені 2016 года кантракт брамніка з мікашэвіцкім клубам быў разарваны, аднак у сакавіку ён зноў прыбыў у Мікашэвічы і неўзабаве падпісаў новы кантракт. У сезоне 2016 заставаўся другім брамнікам каманды, правёў 1 матч у Вышэйшай лізе — 5 чэрвеня супраць БАТЭ (0:4). 6 ліпеня 2016 года разарваў кантракт з «Гранітам» і завяршыў прафесійную кар’еру.

Дасягненні

• 03 Бронзавы прызёр чэмпіянату Беларусі: 2008
• Пераможца Першай лігі чэмпіянату Беларусі: 2014