Іосіф Акімавіч Міроненка

Іосіф Акімавіч Міроненка
Іосіф Акімавіч Міроненка
	Иосиф Акимович Мироненко
Дата нараджэння	сакавік 1913
Месца нараджэння	Yurovka[d], Таманскі аддзел[d], Кубанская вобласць[d], Расійская імперыя;
Дата смерці	10 студзеня 1944 (30 гадоў)
Месца смерці	Даманавіцкі раён, Палеская вобласць, Беларуская ССР, СССР;
Месца пахавання	Міроненкі;
Прыналежнасць	СССР
Род войскаў	пяхота
Гады службы	1941—1944
Званне
Бітвы/войны	Вялікая Айчынная вайна

Іосіф Акімавіч Міроненка (сакавік 1913, в. Юраўка, Таманскі аддзел, Кубанская воблаць, Расійская імперыя; цяпер Крымскі раён, Краснадарскі край — 10 студзеня 1944, Даманавіцкі раён, Палеская вобласць; цяпер Калінкавіцкі раён, Гомельская вобласць) — удзельнік вызвалення Беларусі ад нямецкіх войскаў у гады Вялікай Айчыннай вайны, Герой Савецкага Саюза (17.10.1943).

Біяграфія

Нарадзіўся ў вёсцы Юраўка цяпер Крымскага раёна Краснадарскага краю. На фронце з кастрычніка 1941 года.

Памочнік камандзіра ўзвода процітанкавых стрэльбаў старшыня І. А. Міроненка асабліва вызначыўся ў верасні 1943 г. пры вызваленні Украіны ў баях за гарады Канатоп, Бахмач, пры фарсіраванні Сейма і Дзясны і ў баях за плацдарм на правым беразе ракі Дняпро.

У канцы верасня 1943 года з першым дэсантам пераправіўся праз Дняпро у раёне вёскі Страхалессе, удзельнічаў у адбіцці варожых контратак, знішчыў супрацьтанкавую гармату, два кулямётных разлікі праціўніка і 30 гітлераўцаў. Указам Прэзідыума Вярхоўнага Савета СССР ад 17 кастрычніка 1943 года старшыне Міроненка Івану Акімавічу прысвоена званне Героя Савецкага Саюза.

Загінуў у баі пры вызваленні Беларускай ССР. Пахаваны ў вёсцы Міроненкі Калінкавіцкага раёна ў брацкай магіле савецкіх воінаў і партызан.

Памяць

У гонар І. А. Міроненкі вёска Многаверш Калінкавіцкага раёна перайменавана ў вёску Міроненкі.

Зноскі

Спасылкі

Іосіф Акімавіч Міроненка на сайце «Героі краіны»