Баяры (Мядзельскі сельсавет)

Аграгарадок Баяры Краіна Беларусь Вобласць Мінская Раён Мядзельскі Сельсавет Мядзельскі Каардынаты 54°51′28″ пн. ш. 26°38′11″ у. д. Колькасць двароў 137 Насельніцтва 39 чалавек (1997) Часавы пояс UTC+3 Тэлефонны код +375 1797 Паштовыя індэксы 222380 Аўтамабільны код 5 Баяры на карце Беларусі ±

Бая́ры — аграгарадок у Мядзельскім сельсавеце Мядзельскага раёна Мінскай вобласці.

Гісторыя

У 1868 г. вёска Мядзельскай воласці Вілейскага павета Віленскай губерні, 11 двароў, 105 жыхароў. У 1904 г. вёска (241 жыхар) і 2 засценка Баяры і Верачаты (39 і 6 жыхароў), валоданні Асановіча і Махніста. У 1921 г. вёска Мядзельскай гміны Дунілавіцкага (з 1925 г. Пастаўскі) павета Віленскага ваяводства, 55 двароў, 255 жыхароў. У 1936 дзейнічала ячэйка КПЗБ (5 чалавек, сакратар Д. Ф. Багавец). З 12.10.1940 г. да 16.07.1954 г. — цэнтр Баярскага сельсавета Мядзельскага раёна Вілейскай, з 20.09.1944 г. Маладзечанскай абласцей, з 16.07.1954 г. у Мядзельскім сельсавеце (з 17.11.1959 г. гарпассавет), з 20.01.1960 Мінскай вобласці.

На франтах Вялікай Айчыннай вайны і ў партызанскай барацьбе з нямецкімі захопнікамі загінулі 76 жыхароў вёсак калгаса «Ленінскі шлях» (18 вёсак). На ўшанаванне іх памяці ў 1972 г. ля Дома культуры ўстаноўлена стэла. У 1948 г. у вёсцы арганізаваны калгас імя Варашылава, у 1949 г. пабудаваны дом-чытальня, у 1952 г. — радыёвузел на 100 радыёкропак. З 11.02.1960 г. вёска — цэнтр калгаса «Ленінскі шлях» (да 20.11.1961 г. калгас «Сталінскі шлях»).

Насельніцтва

• 137 двароў, 339 жыхароў (1997)

Інфраструктура

Працуюць Дом культуры, бібліятэка, аддзяленне сувязі, фельчарска-акушэрскі пункт, пачатковая школа, крама, лазня, 2 жывёлагадоўчыя фермы, майстэрня па рамонце сельскагаспадарчага інвентара, зернесушылка.

Спасылкі

• Bojary, wieś, powiat wilejski, gmina Miadzioł // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo (польск.). — Warszawa, 1900. — S. 188.