Гірыны

Вёска Гірыны Краіна Беларусь Вобласць Мінская Раён Мядзельскі Сельсавет Мядзельскі Каардынаты 54°52′54″ пн. ш. 26°53′15″ у. д. Колькасць двароў 9 Насельніцтва 17 чалавек (1997) Часавы пояс UTC+3 Тэлефонны код +375 1797 Паштовыя індэксы 222380 Аўтамабільны код 5 Гірыны на карце Беларусі ±

Гі́рыны (трансліт.: Hiryny, руск.: Гирины) — вёска ў Мядзельскім раёне Мінскай вобласці. Уваходзіць у склад Мядзельскага сельсавета.

Гісторыя

У 1904 г. вёска Кабыльніцкай воласці Свянцянскага павета Віленскай губерні, 42 жыхара. Побач з вёскай знаходзіўся аднайменны фальварак Мядзельскай воласці Вілейскага павета, валоданне памешчыка Алановіча, 9 жыхароў. У 1907 г. у вёсцы 7 двароў, 50 жыхароў. У 1921 г. засценак Мядзельскай гміны Дунілавіцкага (з 1925 г. Пастаўскі) павета Віленскага ваяводства, 9 двароў, 46 жыхароў. З 12.10.1940 г. у Баярскім сельсавеце Мядзельскага раёна Вілейскай, з 20.09.1944 г. Маладзечанскай абласцей, з 16.07.1954 г. і з 25.01.1996 г. ў Мядзельскім сельсавеце (з 17.11.1959 г. гарпассавет), з 20.01.1960 ў Мінскай вобласці.

У 1940 г. 14 двароў, 69 жыхароў. У верасні 1943 г. гітлераўцы поўнасцю спалілі вёску. Пасля вайны адбудавана. У 1949 г. сяляне вёсак Гірыны, Мінчакі, Волачка і Сабалеўшчына арганізавалі калгас імя Пушкіна. З 1960 года вёска ў складзе калгаса «Ленінскі шлях» (цэнтр — вёска Баяры, да 20.11.1961 г. калгас «Сталінскі шлях»).

Насельніцтва

• 9 двароў, 17 жыхароў.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх