Азаркі Старыя

Вёска Азаркі Старыя Краіна Беларусь Вобласць Мінская Раён Мядзельскі Сельсавет Мядзельскі Каардынаты 54°50′10″ пн. ш. 26°59′26″ у. д. Колькасць двароў 16 Насельніцтва 26 чалавек (1997) Часавы пояс UTC+3 Тэлефонны код +375 1797 Паштовыя індэксы 222380 Аўтамабільны код 5 Азаркі Старыя на карце Беларусі ±

Аза́ркі Стары́я (трансліт.: Azarki Staryja, руск.: Азарки Старые) — вёска ў Мядзельскім раёне Мінскай вобласці. Уваходзіць у склад Мядзельскага сельсавета.

Геалогія

Каля вёскі знаходзіцца Азаркаўскае радовішча пясчана-жвіровага матэрыялу (разведаныя запасы 467 тыс. м³). Лінзападобны паклад звязаны з канцова-марэннымі адкладамі паазерскага зледзянення.

Гісторыя

У 1770 годзе вёска Мядзельскага стараства Ашмянскага павета Віленскага ваяводства, 6 сем'яў. У 1868 г. у Мядзельскай воласці Вілейскага павета Віленскай губерні, 7 двароў, 68 жыхароў. У 1900 г. адкрыта школа граматы. У 1904 г. налічвала 109 жыхароў, у 1907 г. — 19 двароў, 111 жыхароў.

У 1921 г. у Мядзельскай гміне Дунілавіцкага (з 1925 г. Пастаўскага) павета Віленскага ваяводства, 22 двары, 108 жыхароў. З 12.10.1940 г. у Лук'янавіцкім сельсавеце Мядзельскага раёна Вілейскай, з 20.09.1944 г. Маладзечанскай абласцей, з 16.07.1954 г. і з 25.01.1995 г. ў Мядзельскім сельсавеце (з 07.11.1959 г. гарпассавет) таго ж раёна, з 20.01.1960 г. Мінскай вобласці.

У 1940 г. 25 двароў, 109 жыхароў. У Вялікую Айчынную вайну ў ліпені 1943 г. гітлераўцы спалілі ў вёсцы 11 двароў. У 1948 г. створаны калгас «Чырвоны сцяг», з 1954 г. вёска ў складзе калгаса «Пераможца» (цэнтр — вёска Лук'янавічы).

Насельніцтва

• 16 двароў, 26 жыхароў (1997)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Azarki Stare, wieś, powiat wilejski, gmina Miadzioł // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo (польск.). — Warszawa, 1900. — S. 55.