Усходні аўтавакзал (Мінск)

Аўтавакзал Усходні
Адрас	Мінск, вул. Ванеева 34
Тып	Аўтавакзал
Эксплуатант	КУП «Мінсктранс»
Адкрыта	Жнівень 1983 г.
Віды маршрутаў	Прыгарадныя, міжгароднія
Сайт	Афіцыйны сайт
Аўтавакзал Усходні на ВікіСховішчы

Аўтавакзал «Усходні» — аўтавакзал у Мінску. Размяшчаецца ў паўднёва-ўсходняй частцы горада побач з жылым раёнам Серабранка на дарожнай развязцы вуліц Ванеева, Алега Кашавога і праспекта Ракасоўскага.

Аўтавакзал абслугоўвае некалькі міжнародных маршрутаў, а таксама прыгарадныя і міжгароднія пасажырскія перавозкі. Вакзал падзяляецца на два пероны: левы і правы, кожны мае 10 платформаў пасадкі і 10 платформаў для прыбыцця транспарту.

Гісторыя

У 1970-х гадах з-за павелічэння пасажырскіх прыгарадных і міжгародніх аўтобусных перавозак, Цэнтральны аўтавакзал ў Мінску перастаў спраўляцца з пасажырапатокам і адкрыццём новых маршрутаў. У сувязі з гэтым у канцы 1970-х было прынята рашэнне аб будаўніцтве ў горадзе яшчэ аднаго аўтобуснага вакзала, па сучасным праекце, які змог бы абслугоўваць адначасова некалькі дзесяткаў міжгародніх і прыгарадных аўтобусных маршрутаў. Для гэтага была выбрана пляцоўка на скрыжаванні вуліцы Ванеева і праспектата Ракасоўскага, дзе і пачалося будаўніцтва. Аўтавакзал, які атрымаў назву «Усходні», быў здадзены ў эксплуатацыю ў 1983 годзе.

Гл. таксама

• Транспарт у Мінску
• Жылы раён Серабранка