Леанід Леанідавіч Лагун

Леанід Лагун
Поўнае імя	Леанід Леанідавіч Лагун
Нарадзіўся	22 чэрвеня 1978(1978-06-22) (45 гадоў) Мінск, Беларуская ССР
Грамадзянства	Беларусь
Рост	185 см
Вага	77 кг
Пазіцыя	паўабаронца
Інфармацыя пра клуб
Клуб	завяршыў кар'еру
Маладзёжныя клубы
Тарпеда (Мінск)
Клубная кар’ера
1994 — 1995 Змена (Мінск) 22 (3) 1996 Зорка (Мінск) 26 (17) 1997 — 2001 БАТЭ (Барысаў) 72 (19) 1997 — 1999 →  Змена-БАТЭ (Мінск) 51 (16) 2001 — 2002 Тарпеда (Масква) 4 (0) 2003 Том (Томск) 33 (4) 2004 СКА-Энергія (Хабараўск) 31 (1) 2005 Шахцёр (Салігорск) 1 (0) 2006 Дынама (Бранск) 11 (0) 2007 Віцебск 1 (0) 2009 Рудзенск 20 (2)

Леанід Леанідавіч Лагун (нар. 22 чэрвеня 1978, Мінск) — былы беларускі футбаліст, які гуляў на пазіцыі паўабаронцы.

Клубная кар'ера

Ранняя кар'ера

Выхаванец мінскага «Тарпеда», прафесійную кар'еру пачаў у «Змене». У 1996 годзе перайшоў у іншы сталічны клуб — «Зорку».

БАТЭ

У 1997 годзе перайшоў у барысаўскі БАТЭ. Дэбютаваў за клуб 31 мая ў матчы Першай лігі супраць віцебскага «Лакаматыва». Сезон 2000 стаў самым паспяховым для Лагуна — 11 забітых галоў у 28 матчах.

Расія

У 2001 годзе перайшоў у маскоўскае «Тарпеда». У першым сезоне Лагун прыняў удзел у 3 матчах, у другім — 1 (абодва разы клуб займаў 4-е месца ў чэмпіянаце). У 2003 годзе Леанід гуляў за «Том» і дапамог камандзе ўзяць бронзавыя ўзнагароды Першага дывізіёна. Наступны сезон правёў у клубе «СКА-Энергія».

Завяршэнне кар'еры

Адзін матч у 2005 годзе правёў за салігорскі «Шахцёр». У наступным годзе 11 матчаў абараняў колеры бранскага «Дынама». Кар'еру завяршыў, згуляўшы адзіны матч за «Віцебск» у 2007 годзе. У 2009 годзе ў якасці аматара гуляў у Другой лізе за «Рудзенск».

Спасылкі

• Профіль на афіцыйным сайце БАТЭ (руск.)
• 21174-lagun-leonid-leonidovich (руск.)