Беліцкі цукровы завод

Беліцкі цукровы завод дзейнічаў з 1831—1882 гг. (паводде іншых звестак да 1890-х гадоў) у мястэчку Беліца Гомельскага павета Магілеўскай губерні. Вырабляў цукар-пясок.

З’яўляўся буйнейшым цукровым прадпрыемствам на Беларусі. Уладальнік граф Ф. Паскевіч, арандатар купец Мельнікаў (былы ад’ютант Паскевіча). У 1839 г. завод згарэў. У 1840 г. пастаўлены новы 2-павярховы будынак, устаноўлены 2 паравыя рухавікі (магутнасцю 70 к. с.), пабудаваны драўляны барак ддя рабо-чых. У 1851 г. працавала 80 рабочых (пераважна прыгонныя), у 1864 г. — 175, у 1879 г. — 232. У 1859 г. на заводзе працаваў майстар-цукравар з Гамбурга, мясцовыя майстры: каваль, слесар, меднік, механік. На выраб цукровага пяску выкарыстоўваліся буракі з зямель уладальніка і купленыя ў суседніх маёнтках. Уласнымі былі вапна, касцяны вугаль, дровы. У 1851 г. было перапрацавана 90 тыс. пудоў цукровых буракоў, з іх 70 тыс. пудоў уласных. Дзейнічаў 3—4 месяцы ў год. У 1879 г. выраблена 15 тыс. пудоў цукру, у 1881 г. — 19 тыс. пудоў.

Закрыты з-за канкурэнцыі таннага цукру з украінскіх губерняў.

Літаратура

• Болбас, М. Ф. Беліцкі цукровы завод / М. Ф. Болбас // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2. — С. 5.