Аксана Яўгенаўна Ільковіч
| Аксана Яўгенаўна Ільковіч | |
|---|---|
| Нараджэнне |
1 снежня 1975 (48 гадоў) |
| Партыя | |
| Член у | |
| Адукацыя | |
| Узнагароды | |
Аксана Яўгенаўна Ільковіч (нар. 1 снежня 1975, в. Заельнае, Любанскі раён) — беларускі палітык, дэпутатка Палаты прадстаўнікоў Нацыянальнага сходу Рэспублікі Беларусь VIII склікання.
Біяграфія[правіць | правіць зыходнік]
Нарадзілася 1 снежня 1975 года ў в. Заельнае Любанскага раёна Мінскай вобласці[1].
Скончыла Беларускі дзяржаўны педагагічны ўніверсітэт імя Максіма Танка па спецыяльнасці «Дэфекталогія (тыфлапедагогіка, педагогіка і псіхалогія дашкольная)»[1].
Працавала дэфектолагам у сярэдняй школе № 2 г. Любані; настаўнікам-дэфектолагам, намеснікам дырэктара, дырэктарам Любанскага раённага цэнтра карэкцыйна-развіваючага навучання і рэабілітацыі; дырэктарам Тэрытарыяльнага цэнтра сацыяльнага абслугоўвання насельніцтва Любанскага раёна[1].
Член Беларускай партыі «Белая Русь», рэспубліканскага грамадскага аб’яднання «Белая Русь», грамадскага аб’яднання «Беларускі саюз жанчын»[1].
У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Салігорскай сельскай акругі № 69. Член Пастаяннай камісіі па працы і сацыяльных пытаннях[1].
Узнагароды[правіць | правіць зыходнік]
Узнагароджана граматамі Міністэрства адукацыі Рэспублікі Беларусь, камітэта па працы, занятасці і сацыяльнай абароне Мінскага абласнога выканаўчага камітэта, ганаровымі граматамі і падзякамі Любанскага раённага выканаўчага камітэта і Любанскага раённага Савета дэпутатаў[1].
Сям'я[правіць | правіць зыходнік]
Мае сына[1].