Алаіз Лянкевіч

Алаіз Лянкевіч
польск.: Alojzy Lenkiewicz), лац.: Aloysius Lenkiewicz
Род дзейнасці	святар, педагог
Дата нараджэння	18 верасня 1771(1771-09-18)
Месца нараджэння	Беларусь
Дата смерці	20 красавіка 1806(1806-04-20) (34 гады)
Месца смерці	Полацк, Полацкі павет, Віцебская губерня, Расійская імперыя
Месца працы	Полацкі езуіцкі калегіум Мсціслаўскі езуіцкі калегіум Магілёўскі езуіцкі калегіум Полацкая друкарня
Альма-матар	Полацкі езуіцкі калегіум (1800)

Алаіз Лянкевіч (польск.: Alojzy Lenkiewicz), лац.: Aloysius Lenkiewicz; 18 верасня 1771, Беларусь — 20 красавіка 1806, Полацк) — святар, педагог.

Уступіў у Таварыства Ісуса 14 жніўня 1786 г. у Полацку. Пасля выпрабаванняў у полацкім навіцыяце (1786–1788) вывучаў філасофію ў Полацкім езуіцкім калегіуме (1789–1791). Выкладаў у Мсціслаўскім (ад інфімы да рыторыкі; 1791–1795) і Магілёўскім (рыторыка і паэтыка; 1795–1796) езуіцкіх калегіумах. Вывучаў тэалогію ў Полацкім езуіцкім калегіуме (1796–1800) і ў Полацку быў высвечаны на ксяндза (1800). Аперарыюш у езуіцкай рэзідэнцыі ў Пушы (1800–1802).

Апошнія гады жыцця працаваў у Полацкай друкарні: спачатку як друкар (1802–1805), а потым і як яе прэфект (1805-1806).

Літаратура

• Баўтовіч, М. Кнігадрук у Полацку ад 1774 г. да 1829 г. / М. Баўтовіч // Кнігадрук у Полацку (1774 – 1829): Бібліяграфічнае выданне / укладальнік М. Баўтовiч. – Полацк: Выдавецкая ініцыятыва “Полацкая ляда”, 2018. – с. 204.
• Encyklopedia wiedzy o jezuitach na ziemiach Polski i Litwy 1564—1995 / оprac. L. Grzebień. — Kraków : Wyd-wo WAM, 1996. — 882 s.
• Kadulska, I. Pracownicy książki w Akademii Połockiej (1812–1820) / I. Kadulska // Acta Universitatis Lodziensis. Folia litteraria Polonica. 4(34), 2016. – s. 257–265.