Ала Іванаўна Канапелька

З пляцоўкі Вікіпедыя
Jump to navigation Jump to search
Ала Канапелька
Ала Іванаўна Канапелька
Ala-kanapelka.jpg
Асабістыя звесткі
Дата нараджэння: 14 лютага 1960(1960-02-14)
Месца нараджэння:
Дата смерці: 24 жніўня 2015(2015-08-24) (55 гадоў)
Месца смерці:
Пахаванне:
Грамадзянства:
Альма-матар:
Прафесійная дзейнасць
Род дзейнасці: перакладчыца, паэтка, пісьменніца
Валодае мовамі: беларуская
Дэбют: Цвет алешыны (1986)
Грамадская дзейнасць
Член у

Ала Канапелька (14 лютага 1960, Небытаў, Хойніцкі раён — 24 жніўня 2015, Мінск) — беларуская паэтэса і перакладчыца.

Біяграфія[правіць | правіць зыходнік]

Нарадзілася ў сялянскай сям’і. У 1978 г. скончыла Лоеўскае педагагічнае вучылішча і паступіла на філалагічны факультэт БДУ[1]. Пасля заканчэння ўніверсітэта (1983) працавала метадыстам, з 1988 г. — загадчыкам сектара метадычнай працы Дома літаратара СП БССР. З 1990 г. — загадчык арганізацыйна-прапагандысцкага аддзела Беларускага фонду культуры. Працавала ў часопісе «Полымя», галоўным рэдактарам часопіса «Крыніца» (?-2002), намеснікам галоўнага рэдактара ў часопісе «Вестник Беларусбанка».

Член Саюза пісьменнікаў СССР з 1985 г.

У рэспубліканскім друку выступіла ў 1977 г. (часопіс «Маладосць»). Аўтар паэтычных зборнікаў «Цвет алешыны» (1985) і «Летазлічэнне» (1999). Перакладала творы ўкраінскіх, курдскіх, малдаўскіх, балгарскіх паэтаў. Таксама пераклала выбраныя казкі з цыклу «Тысяча і адна ноч»[2].

Памерла ў Мінску 24 жніўня 2015 г. Пахавана на гарадскіх могілках у Смалявічах[3].

Зноскі

  1. Раіса Баравікова пра Алу Канапельку: Пайшла ад нас сумленная паэтка // Радыё Свабода 24.08.2015
  2. Тысяча і адна ноч: Арабскія народныя казкі: Выбранае: Для сярэдняга і старэйшага школьнага ўзросту / Укладальнік, каментарыі, пасляслоўе, пераклад на беларускую мову А. Канапелькі. — Мінск: Беларуская навука, 1998.
  3. Памерла Ала Канапелька. У Мінску развіталіся з пісьменніцай // Саюз Беларускіх пісьменнікаў

Літаратура[правіць | правіць зыходнік]

  • Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: БелЭн, 1998. — Т. 7. — 608 с. — 10 000 экз. — ISBN 985-11-0130-3.