Алег Аляксандравіч Чмырыкаў

Алег Чмырыкаў
Агульная інфармацыя
Поўнае імя	Алег Аляксандравіч Чмырыкаў
Нарадзіўся	8 лютага 1996(1996-02-08) (22 гады) Магілёў, Магілёўская вобласць, Беларусь
Грамадзянства	Беларусь
Рост	182 см
Вага	69 кг
Пазіцыя	абаронца
Інфармацыя пра клуб
Клуб	Дняпро
Нумар	2
Кар’ера
Клубная кар’ера*
2013 —	Гомель	40 (1)
2017	→  Белшына (Бабруйск)	15 (1)
2018 —	→  Дняпро (Магілёў)
Нацыянальная зборная**
2012 — 2013	Беларусь (да 17)	4 (0)
2014	Беларусь (да 19)	1 (0)
2017 —	Беларусь (да 21)	2 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 10 сакавіка 2018. ** Колькасць гульняў і галоў за нацыянальную зборную ў афіцыйных матчах, адкарэктавана станам на 8 чэрвеня 2017.

Алег Чмырыкаў (нар. 8 лютага 1996, Магілёў) — беларускі футбаліст, абаронца магілёўскага «Дняпро» (у арэндзе з «Гомеля») і моладзевай зборнай Беларусі.

Кар’ера

Клубная

Пачынаў займацца футболам у сістэме магілёўскага «Дняпро», аднак у маладым узросце трапіў у «Гомель», з 2013 года пачаў гуляць за дубль, дзе хутка замацаваўся ў складзе.

Улетку 2015 года, пасля таго як з-за фінансавых праблем «Гомель» пакінулі асноўныя ігракі, быў пераведзены ў першую каманду. 14 верасня 2015 года дэбютаваў у Вышэйшай лізе, адгуляўшы другі тайм матчу супраць «Мінска» (0:1). Пазней замацаваўся ў асноўнай камандзе «Гомеля», але не здолеў выратаваць яе ад вылету ў Першую лігу. У сезоне 2016 ужо трывала гуляў у стартавым складзе, правёў усе 26 матчаў у Першай лізе і дапамог камандзе вярнуцца ў элітны дывізіён.

У Вышэйшай лізе страціў трывалае месца ў складзе. У маі 2017 года гуляў у стартавым складзе каманды, пазней зноў стаў заставацца на лаўцы запасных. У жніўні 2017 года быў аддадзены ў арэнду «Белшыне» да канца сезону. У складзе бабруйскага клуба здолеў замацавацца ў аснове. Па заканчэнні сезону ў снежні 2017 года вярнуўся ў «Гомель».

У студзені 2018 года пачаў рыхтавацца да новага сезону з гомельскай камандай, а пазней далучыўся да магілёўскага «Дняпро», які ў сакавіку 2018 года ўзяў абаронцу ў арэнду на сезон.

Міжнародная

Гуляў за юнацкія зборныя Беларусі ў кваліфікацыі чэмпіянату Еўропы.

26 сакавіка 2017 года дэбютаваў у моладзевай зборнай Беларусі, выйшаўшы на замену ў другім тайме таварыскага матчу супраць Латвіі (3:4).

Дасягненні

• Пераможца Першай лігі чэмпіянату Беларусі: 2016

Статыстыка выступленняў

Сезон	Дывізіён	Клуб	Краіна	Матчы	Галы
2013	дубль	Гомель		18	0
2014	дубль	Гомель		25	0
2015	Д1	Гомель		8	0
2016	Д2	Гомель		26	1
2017 (1)	Д1	Гомель		6	0
2017 (2)	Д2	Белшына		15	1

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)