Алег Аляксеевіч Кузьмін

Алег Аляксеевіч Кузьмін
Нараджэнне	16 лістапада 1972(1972-11-16) (51 год) Гічыцы, Яглевіцкі сельсавет, Івацэвіцкі раён, Брэсцкая вобласць, БССР, СССР
Партыя	Беларуская партыя «Белая Русь»
Адукацыя	Брэсцкі дзяржаўны ўніверсітэт імя А. С. Пушкіна АПА
Узнагароды	Грамата Міністэрства адукацыі Рэспублікі Беларусь

Алег Аляксеевіч Кузьмін (нар. 16 лістапада 1972, в. Гічыцы, Івацэвіцкі раён) — беларускі настаўнік, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Біяграфія

Нарадзіўся 16 лістапада 1972 года ў в. Гічыцы Івацэвіцкага раёна Брэсцкай вобласці.

Скончыў Брэсцкі дзяржаўны ўніверсітэт імя А. С. Пушкіна па спецыяльнасці «Беларуская мова і літаратура»; Акадэмію паслядыпломнай адукацыі па спецыяльнасці «Менеджар у сістэме адукацыі».

Працаваў настаўнікам пачатковых класаў, настаўнікам беларускай мовы і літаратуры ў школах Івацэвіцкага раёна, дырэктарам Яглевіцкай сярэдняй школы, сярэдняй школы № 3 г. Івацэвічы.

Выбіраўся дэпутатам Івацэвіцкага раённага Савета дэпутатаў 26-га і 27-га скліканняў.

Член партыі «Белая Русь».

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Івацэвіцкай акругі № 11. Член Пастаяннай камісіі Палаты прадстаўнікоў па адукацыі, культуры і навуцы.

Узнагароды

Узнагароджаны граматай Міністэрства адукацыі Рэспублікі Беларусь, падзячным пісьмом Брэсцкага абласнога выканаўчага камітэта, граматамі Івацэвіцкага раённага выканаўчага камітэта, Івацэвіцкага раённага Савета дэпутатаў, граматамі і падзякамі аддзела па адукацыі Івацэвіцкага раённага выканаўчага камітэта, ганаровай граматай прэзідыума Брэсцкага абласнога камітэта Беларускага прафесійнага саюза работнікаў адукацыі і навукі, граматамі і падзякамі Івацэвіцкага раённага камітэта Беларускага прафесійнага саюза работнікаў адукацыі і навукі.

Сям’я

Жанаты, мае дзвюх дачок.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь