Алег Васілевіч Бераснеў

Алег Васілевіч Бераснеў
Дата нараджэння	21 жніўня 1940(1940-08-21)
Месца нараджэння	г. Хойнікі
Дата смерці	2 красавіка 2014(2014-04-02) (73 гады)
Грамадзянства	СССР→ Беларусь
Навуковая сфера	дынаміка трываласці і надзейнасці машын
Месца працы	Аб'яднаны інстытут машынабудавання НАН Беларусі
Навуковая ступень	доктар тэхнічных навук
Навуковае званне	прафесар, член-карэспандэнт НАНБ
Альма-матар	Беларускі інстытут інжынераў чыгуначнага транспарту
Узнагароды і прэміі

Алег Васілевіч Бе́раснеў (21 жніўня 1940, Хойнікі — 2 красавіка 2014) — беларускі вучоны ў галіне дынамікі трываласці і надзейнасці машын. Доктар тэхнічных навук (1982), прафесар (1986), член-карэспандэнт АН БССР (1986).

Біяграфія

Скончыў Беларускі інстытут інжынераў чыгуначнага транспарту ў 1961. Пасля з 1961 па 1964 працаваў на Валагодскім паравозавагонарамонтным заводзе. З 1964 года ў Інстытуце механікі і надзейнасці машын АН БССР: інжынер, кіраўнік групы, старшы навуковы супрацоўнік, вучоны сакратар, намеснік дырэктара па навуковай рабоце. У 1978-2002 гг. дырэктар гэтага інстытута, у 2002-2008 гг. загадчык лабараторыяй. З 2008 галоўны навуковы супрацоўнік, намеснік загадчыка аддзялення Аб'яднанага інстытута машынабудавання Нацыянальнай акадэміі навук Беларусі.

Навуковая дзейнасць

Даследаванні па прагназаванні і пошуку шляхоў павышэння надзейнасці, зніжэння дынамічнай нагружанасці і вібраакустычнай актыўнасці прывадных механізмаў машын. Распрацаваныя пры яго ўдзеле прынцыпы, правілы і парадак прагназавання надзейнасці вырабаў машынабудавання пры праектаванні адлюстраваны ў дзяржаўных стандартах і нарматыўнай тэхнічнай літаратуры. Ім развіты новы навуковы напрамак па распрацоўцы тэарэтычных асноў і інжынерных методык канструявання і разліку, стварэнню і даследаванню зубчастых колаў, якія самаўсталёўваюцца, і прывадных механізмаў на іх аснове.

Аўтар больш за 350 навуковых прац, у тым ліку 9 манаграфій, 22 брашур, 108 аўтарскіх пасведчання на вынаходкі і патэнты.

Асноўныя працы

• Исследование влияния технологии окончательной обработки зубчатых колес на их работоспособность. М., 1971 (совм. с А.С. Соболевым).
• Пути повышения надежности машин. Мн.: Наука и техника, 1979 (совм. с И.С. Цитовичем).
• Самоустанавливающиеся зубчатые колеса. Мн.: Наука и техника, 1983.
• Аналитические методы механики в динамике приводов. Мн.: Навука і тэхніка, 1992 (совм. с А.М. Гоманом, Н.Н. Ишиным).
• Зубчатые передачи с повышенной податливостью зубьев. Мн.: Навука і тэхніка, 1993 (совм. с И.В. Жуком, А.Н. Неделькиным).
• Нормирование надежности технических систем. Мн.: Технопринт, 2004 (совм. с Ю.Л. Солитерманом, А.М. Гофманом).

Узнагароды

Узнагароджаны ордэнам "Знак Пашаны" (1981), медалём "За доблесную працу", дзвюма Ганаровымі граматамі Вярхоўнага Савета БССР, Ганаровай граматай Савета Міністраў Рэспублікі Беларусь.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — С. 106. — 511 с. — 10 000 экз. — ISBN 985-11-0068-4 (т. 3).
• Олег Васильевич Берестнев (К 60-летию со дня рождения) // Изв. НАН Беларуси. Сер. физ.-техн. наук. - 2000. - №3. - С. 138-139

Спасылкі

• Профіль члена-карэспандэнта А.В. Бераснева на сайце НАН Беларусі
• Некралог на сайце Аб'яднанага інстытута машынабудавання НАН Беларусі