Алесь Таболіч
| Алесь Таболіч | |
|---|---|
 Выступ гурта «Znich» у Францыі, 2011 | |
| Асноўная інфармацыя | |
| Дата нараджэння | 16 чэрвеня 1979 (44 гады) |
| Месца нараджэння | |
| Краіна | |
| Бацька | Рыгор Фядосавіч Таболіч |
| Маці | Марыя Яўгенаўна Таболіч |
| Альма-матар | |
| Музычная дзейнасць | |
| Прафесіі | Музыка, мастак, дызайнер |
| Гады актыўнасці | 1996 — па сённяшні дзень |
| Жанры |
Метал Фолк |
| Калектывы | Znich, STOD |
| Лэйблы | БМА |
| Грамадская дзейнасць | |
| Член у | |
| Узнагароды | Рок-карона 2011 года ў намінацыі «Традыцыі і сучаснасць» |
 Медыяфайлы на Вікісховішчы | |
Алесь Таболіч (нар. 16 чэрвеня 1979, Жыткавічы, Гомельская вобласць) — беларускі музыка, лідар гуртоў Znich, STOD[1], дызайнер, мастак, майстар па тату і перманентным макіяжы.
Біяграфія[правіць | правіць зыходнік]
Нарадзіўся ў сям’і мастакоў Рыгора і Марыі Таболічаў[2]. Жыў у Рагачове, Магілёве. У дзесяцігадовым узросце пераехаў у Мінск, вучыўся ў школе-інтэрнаце па музыцы і выяўленчым мастацтве імя Ахрэмчыка. Пасля скончыў факультэт дызайну Беларускай дзяржаўнай акадэміі мастацтваў. На станаўленне Алеся як асобы паўплывалі часы беларускага адраджэння 1990-х і выхаванне ў мастацкім асяроддзі.
Таксама на мяне паўплывала сям’я. Я выхоўваўся ў творчым асяродку. Мае бацькі — мастакі, і я шмат чаго атрымаў ад іх: разуменне культуры, разуменне беларускасці ў маім уласным уяўленні. На мой погляд, перш-наперш трэба быць беларусам у душы. У беларусаў ёсць адна родная мова — беларуская. Гэта дух нацыі. І стаўленне да яе павінна быць адпаведнае. На мой погляд, без мовы не можа быць дзяржавы. Стаўленне да мовы і культуры трэба выхоўваць перш-наперш у сабе, каб захаваць для нашых нашчадкаў[3].
У 1996 годзе заснаваў гурт Znich. Яго музыка вызначаецца спалучэннем беларускай фальклорнай традыцыі з цяжкай музыкай[4].
У 1998 годзе прымаў удзел у заснаванні РМГА «Студэнцкае этнаграфічнае таварыства»[5]. Арганізатар шматлікіх канцэртаў і штогадовага фестывалю «Купальскае кола».
Працуе ў тату-салоне «У Лісіцы». Лічыць, што тату — гэта мастацтва, займаецца арнаментальнай татуіроўкай.
20 мая 2020 года Цэнтрвыбаркам РБ зарэгістраваў ініцыятыўную групу па вылучэнні яго кандыдатам у прэзідэнты Беларусі. Алесь Таболіч падкрэсліваў, што не абапіраючыся на шматвяковую гісторыю, на нацыянальны падмурак, нельга пабудаваць будучыню. Гісторыя, нацыянальныя каштоўнасці і незалежнасць на яго думку павінны аб’яднаць беларусаў. Не сабраў неабходныя для рэгістрацыі кандыдатам 100 тысяч подпісаў і зняўся з выбарчай гонкі 19 чэрвеня[6].
Сям’я[правіць | правіць зыходнік]
Жонка Алеся. У разводзе.
Зноскі
- ↑ Мартыненка, Витаут; Зыблюк, Виталь (2002). "Фестиваль "Басовишча" :: XIII «Басовишча» — сфера перемен!". Музыкальная газета [руская] (27). Архівавана з арыгінала 2020-09-09. Праверана 2020-09-09.
{{cite journal}}: Невядомы параметр|dead-url=ігнараваны (прапануецца|url-status=) (даведка) - ↑ Алесь Таболич: «Я вылавливал неформалов и бесплатно их убивал!» / ultra-music.com
- ↑ Алесь Таболіч: «Як другое нараджэнне» / Будзьма беларусамі
- ↑ Бородкина, Татьяна (2000). "Фестиваль "Басовище-2000" :: Праздник до утра!". Музыкальная газета [руская] (30). Архівавана з арыгінала 2020-09-09. Праверана 2020-09-09.
{{cite journal}}: Невядомы параметр|dead-url=ігнараваны (прапануецца|url-status=) (даведка) - ↑ Афіцыйны сайт «СЭТ»
- ↑ nashaniva.by