Альбер Марке

Альбер Марке
фр.: Albert Marquet
Імя пры нараджэнні	фр.: Pierre Léopold Albert Marquet
Дата нараджэння	27 сакавіка 1875(1875-03-27)[…]
Месца нараджэння	Бардо, arrondissement of Bordeaux[d], дэпартамент Жыронда, рэгіён Аквітанія, Метраполія Францыі, Францыя
Дата смерці	14 чэрвеня 1947(1947-06-14)[…] (72 гады)
Месца смерці	Парыж, Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Жонка	Марсель Марке[d]
Род дзейнасці	мастак, рысавальнік, дзеяч выяўленчага мастацтва
Жанр	партрэт
Вучоба	Нацыянальная вышэйшая школа прыгожых мастацтваў Вышэйшая нацыянальная школа дэкаратыўнага мастацтва[d]
Мастацкі кірунак	фавізм
Уплыў	Гюстаў Маро
Подпіс
Медыяфайлы на Вікісховішчы

Альбер Марке (фр.: Albert Marquet; 27 сакавіка 1875, Бардо — 14 чэрвеня 1947, Парыж) — французскі мастак. У сваёй ранняй творчасці быў блізкі да фавізму; пазней выпрацаваў уласную жывапісную сістэму.

Жыццё і творчасць

Альбер Марке нарадзіўся 27 сакавіка 1875 года ў Бардо, у сям’і чыгуначнага служачага.

У 1890—1895 гадах вучыўся ў парыжскай Школе прыгожых мастацтваў, у класе Гюстава Маро. Некаторы час быў блізкі да фавістаў, сябраваў з Мацісам і Дэрэнам, яго працы экспанаваліся на групавой выстаўцы ў Восеньскім салоне 1905 года і Салоне незалежных у 1906 годзе. Займаўся кніжнай ілюстрацыяй (раман Шарля-Луі Філіпа «Бюбю з Манпарнаса», 1903). З 1919 года жыў у невялікіх мястэчках вобласці Іль-дэ-Франс, шмат падарожнічаў, быў у СССР (1934).

У 1920 годзе выйшла першая манаграфія аб творчасці мастака. Гады Другой сусветнай вайны ён правёў у Алжыры, дзе ўпершыню пабываў у 1911 годзе разам з Мацісам; удзельнічаў у Супраціве. У 1945 годзе вярнуўся ў Парыж. У 1947 годзе Марке перанёс цяжкую аперацыю, у гэтым жа годзе мастак памёр.