Альбіна Аляксандраўна Семянчук

Альбіна Аляксандраўна Семянчук
Альбіна Аляксандраўна Семянчук
Дата нараджэння	25 студзеня 1963 (61 год)
Месца нараджэння	Савецкі, Савецкі раён[d], Марыйская АССР, РСФСР, СССР;
Грамадзянства	СССР; Беларусь;
Род дзейнасці	гісторык, выкладчык універсітэта
Месца працы	факультэт гісторыі, камунікацыі і турызму ГрДУ;
Навуковая ступень	кандыдат гістарычных навук
Навуковае званне	дацэнт;
Альма-матар	гістарычны факультэт ГрДУ імя Янкі Купалы (1988);

Альбіна Аляксандраўна Семянчу́к (нар. 25 студзеня 1963, пасёлак Савецкі, Марыйская АССР) — беларускі гісторык. Спецыяліст па летапісанню і гістарычнай памяці народаў Вялікана Княства Літоўскага ў XV—XVII стагоддзях. Кандыдат гістарычных навук (1997), дацэнт (1998)^[1].

Біяграфія[правіць | правіць зыходнік]

Скончыла ў 1988 годзе гістарычны факультэт ГрДУ імя Я. Купалы, у 1996 годзе — аспірантуру Інстытута гісторыі НАН Беларусі^[1].

У 1997 годзе абараніла кандыдацкую дысертацыю па тэме «Польскія хронікі другой паловы XVI ст. як крыніцы па гісторыі Вялікага Княства Літоўскага»^[1].

У 1996—2022 гадах працавала ў ГрДУ імя Я. Купалы: выкладчыца, дацэнт кафедры беларускай культуры, дацэнт кафедры турызму і культурнай спадчыны^[1]. У сакавіку 2022 года звольнена з Гродзенскага ўніверсітэта^[2].

Стажыравалася ў навуковых і навучальных установах Познані (1996), Варшавы (1994, 1998), Кракава (2005, 2006—2007)^[1].

Навукова-даследчыцкая дзейнасць[правіць | правіць зыходнік]

Напрамкі даследаванняў: наратыўныя крыніцы XV—XVII стагоддзяў, польскія хронікі, беларуска-літоўскія летапісы, гістарычная думка ў Вялікім Княстве Літоўскім, беларуская культура^[1].

Бібліяграфія[правіць | правіць зыходнік]

Гродно. Королевский город: путеводитель. Минск, 2016.
Беларуска-літоўскія летапісы і польскія хронікі: вучэбны дапаможнік. Гродна, 2000.

Удзел у калектыўных працах

Валовічы герба «Багорыя». Мінск, 2019; 2020 (Беларусь праз прызму рэгіянальнай гісторыі).
Recepcja twórczości Jana Długosza w historiografii krajów europejskich. Częstochowa, 2019.
Ваенныя трыумфы эпохі Вялікага Княства Літоўскага: зборнік навуковых артыкулаў. Мір, 2017.
Магнацкі двор і сацыяльнае ў заемадзеянне (XV—XVIII стст.): зборнік навуковых прац. Мінск, 2014.
Гісторыя філасофскай і грамадска-палітычнай думкі Беларусі. Т. 2: Протарэнесанс і Адраджэнне. Мінск, 2010.
Королевский город Гродно: путеводитель. Минск, 2006; 2009; 2010.
Культура Гродзенскага рэгіёну: праблемы развіцця ва ў мовах поліэтнічнага сумежжа. Гродна, 2003.