Аляксандр Артуравіч Роу

Аляксандр Артуравіч Роу
Дата нараджэння	24 лютага (9 сакавіка) 1906
Месца нараджэння	Масква, Маскоўская губерня, Расійская імперыя або Юр’евец, Юр’евецкі павет[d], Кастрамская губерня, Расійская імперыя
Дата смерці	28 снежня 1973(1973-12-28) (67 гадоў)
Месца смерці	Масква, РСФСР, СССР
Месца пахавання	Бабушкінскія могілкі[d]
Грамадзянства	Расійская імперыя  СССР
Прафесія	кінарэжысёр, сцэнарыст, рэжысёр
Узнагароды
IMDb	ID 0745498
Медыяфайлы на Вікісховішчы

Аляксандр Артуравіч Роу (руск.: Александр Артурович Роу; 8.3.1906, Масква — 28.12.1973) — расійскі кінарэжысёр, буйнейшы майстар жанру кінаказкі. Народны артыст Расіі (1968).

Біяграфічныя звесткі

Скончыў кінашколу Б. Чайкоўскага (1930) і драматычны тэхнікум імя Ярмолавай у Маскве (1934). У кіно з 1930 года.

Творчасць

Паставіў прасякнутыя паэзіяй, гумарам, фантастычнай рамантыкай фільмы: «Па шчупаковаму загаду» (1938), «Васіліса Прыгожая» (1939), «Канёк-гарбунок» (паводле П. Яршова, 1941), «Кашчэй Бессмяротны» (1945), «Новыя прыгоды Ката ў ботах» (1958), «Мар’я-майстрыха» (1960), «Каралеўства крывых люстэркаў» (1963), «Марозка» (1965), «Агонь, вада і медныя трубы» (1968), «Варвара-краса, доўгая каса» (1970), «Залатыя рогі» (1973) і інш. Экранізаваў творы М. Гогаля: «Майская ноч, або Тапельніца» (1952, стэрэафільм), «Вечары на хутары каля Дзіканькі» (1961). Ставіў карціны, прысвечаныя сучаснасці.

Літаратура

• Роу // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).