Аляксей Пятровіч П’янкоў

З пляцоўкі Вікіпедыя
Jump to navigation Jump to search
Аляксей Пятровіч П’янкоў
Аляксей П'янкоў.jpg
Дата нараджэння

3 (16) сакавіка 1901

Месца нараджэння

Перм, Пермская губерня[d], Расійская імперыя

Дата смерці

12 лістапада 1987(1987-11-12) (86 гадоў)

Месца смерці

Мінск, Беларусь

Грамадзянства

Flag of Byelorussian SSR.svg Беларусь
Flag of Russia.svg Расійская імперыя
Flag of the Soviet Union.svg СССР

Род дзейнасці

гісторык

Навуковая сфера

гісторыя

Месца працы

Пермскі дзяржаўны ўніверсітэт
БДУ
Інстытут гісторыі НАНБ
Магілёўскі дзяржаўны ўніверсітэт імя Аркадзя Куляшова
БДПУ

Навуковая ступень

доктар гістарычных навук[d]

Альма-матар

Пермскі дзяржаўны ўніверсітэт

Узнагароды і прэміі
ордэн Працоўнага Чырвонага Сцяга

Аляксей Пятровіч П'янкоў (3 сакавіка 1901, г. Перм — 12 лістапада 1987) — беларускі і савецкі гісторык. Доктар гістарычных навук (1949), прафесар (1950). Першы ў беларускай гістарычнай навуцы ўзняў праблему перыядызацыі беларускай савецкай гістарыяграфіі (артыкул «Основные этапы в развитии белорусской историографии»).

Біяграфія[правіць | правіць зыходнік]

У 1925 годзе скончыў грамадска-педагагічнае аддзяленне педагагічнага факультэта Пермскага ўніверсітэта, працаваў выкладчыкам гісторыі і грамадазнаўства ў школах г. Пермі.

У перыяд вучобы і працы ў г. Пермі ў 1920-я гады прымаў актыўны ўдзел у дзейнасці Гуртка па вывучэнні Паўночнага края пры Пермскім універсітэце і Таварыства гістарычных, філасофскіх і сацыяльных навук. Займаўся даследаваннем сацыяльна-эканамічнай гісторыі Урала і Прыкам'я, галоўным чынам гаспадаркі ўральскай вёскі XVII–XVIII стст. Па заданні Археаграфічнай камісіі пры АН СССР праводзіў абследаванне фондаў Пермскага акруговага архіва з мэтай выяўлення гістарычных матэрыялаў. У прыватнасці, ім першым былі ўведзены ў навуковы ўжытак такія каштоўныя крыніцы па гісторыі прыкамскай прыгоннай вёскі і горназаводскіх гаспадарак строганаўскай групы як адказныя кнігі.

З 1934 года — дацэнт кафедры гісторыі народаў СССР у Палтаўскім педінстытуце.

У 19371941 гадах — загадчык кафедрай гісторыі народаў СССР і адначасова з 1937 года — дэкан гістарычнага факультэта Беларускага ўніверсітэта. У 1937—1941 загадчык сектара Інстытута гісторыі АН БССР.

У 19411945 гадах знаходзіўся ў эвакуацыі ў г. Пермі, быў загадчыкам кафедрай гісторыі СССР Пермскага (тады Молатаўскага) універсітэта.[1]

З 16 верасня 1941 года па — 14 кастрычніка 1941 года — дэкан адноўленага пры Пермскім (Молатаўскім) універсітэце гісторыка-філалагічнага факультэта[2].

У другой палове 1940-х — пачатку 1980-х гадоў працаваў у Беларускім універсітэце. У 1946–1950 ведаў там кафедрай гісторыі народаў СССР.

У 1943 годзе — дэкан гістарычнага факультэта Беларускага ўніверсітэта.

Апроч навуковай дзейнасці, А. П. П'янкоў займаўся і грамадскай: у 19381947 гадах дэпутат Мінскага гарсавета.[3]

У 1945—1950 загадчык сектара Інстытута гісторыі АН БССР. У 1948 годзе абараніў у Ленінградскім дзяржаўным універсітэце доктарскую дысертацыю на тэму: «Феадальныя адносіны ў Паўночна-Усходняй Русі да пачатку XVI ст.». У тым жа годзе прысуджана ступень доктар гістарычных навук, у 1950 годзе — навуковае званне прафесар.

З верасня 1948 года — прарэктар па навуковай працы і па сумяшчальніцтве загадчык кафедрай гісторыі народаў СССР (19461950) Беларускага ўніверсітэта.

З 1950 года працаваў у Магілёўскім, у 1954—1978 гадах - Мінскім педагагічным інстытуце.

У Беларускім універсітэце навуковая праца А. П. П'янкова працякала ў дзвюх абласцях: сацыяльная гісторыя Старажытнай Русі (якой прысвечаны дзве яго дысертацыі і некаторыя іншыя працы) і гісторыя Беларусі.

Выбраныя навуковыя працы[правіць | правіць зыходнік]

  • Хозяйство вогулов в XVII веке // Пермский краведческий сборник. Пермь, 1926. Вып. 2.;
  • Хозяйство уральской деревни в эпоху торгового капитализма: (Очерк из экономической истории Урала XVII века). Пермь, 1926.;
  • Пережитки пугачевщины на Урале в 80-х годах XVIII столетия // Пермский краеведческий сборник. Пермь, 1927. Вып. 3.;
  • Экономические предпосылки Октября на Урале // Борьба за власть. Пермь, 1927. Т. 3, кн. 4.;
  • Поземельный строй прикамской крепостной деревни конца XVIII века по отказным делам Пермского окрархива // Сборник О-ва ист., филос. и социальных наук при Перм. ун-те. Пермь, 1929. Вып. 3.;
  • Происхождение общественного и государственного строя Древней Руси. Минск: Издательство БГУ, 1980.

Зноскі

  1. ПГУ в годы Великой Отечественной войны // Кертман Л. Е., Васильева Н. Е., Шустов С. Г. Первый на Урале. Пермь: Пермское книжное издательство, 1987. 235 с. С. 70.
  2. Даныя архіва ПГНДУ.
  3. П'янкоў Аляксей Пятровіч // Гістарычны факультэт Беларускага дзяржаўнага ўніверсітэта.

Літаратура[правіць | правіць зыходнік]

  • Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі «Гродзенскі Дзярж. Ун-т імя Я.Купалы». — Гродна : ГрДУ, 2006. — 345 с. ISBN 985-417-858-7.