Аляксей Сцяпанавіч Шышко

Аляксей Сцяпанавіч Шышко
Аляксей Сцяпанавіч Шышко
Дата нараджэння	20 жніўня 1972 (51 год)
Месца нараджэння	Зэльва, Зэльвенскі раён, Гродзенская вобласць, БССР, СССР;
Альма-матар	Мінскае мастацкае вучылішча імя А. К. Глебава (1991); Беларуская акадэмія мастацтваў (1996);
Член у	Беларускі саюз дызайнераў; Беларускі саюз архітэктараў;

Аляксей Сцяпанавіч Шышко (нар. 20 жніўня 1972, г.п. Зэльва, Гродзенская вобласць) — беларускі архітэктар і дызайнер.

Біяграфія[правіць | правіць зыходнік]

Скончыў у 1991 годзе аддзяленне «мастацкае афармленне» Мінскага мастацкага вучылішча імя Глебава; у 1996 годзе — аддзяленне «Аб’ёмны дызайн» прамысловага факультэта Беларускай дзяржаўнай акадэміі мастацтваў. На чацвёртым курсе вучобы ў акадэміі пачаў прадпрымальніцкую дзейнасць, кампанія замалася па распрацоўкай і вырабам вонкавай рэкламы ў Мінску. Разам з партнёрамі заснаваў кампанію СП «VDStudio» ТАА — цяпер кампанія «VDS». Крэатыўны дырэктар, галоўны дызайнер кампаніі «VDS» з 2000 года.

Член Беларускага саюза дызайнераў, Беларускага саюза архітэктараў.

Творчасць[правіць | правіць зыходнік]

Асноўным профілем дзейнасці з’яўляецца распрацоўка брэндаў, фірменных стыляў і карпаратыўнай архітэктуры для кампаній нафтавага рынку і аўтаіндустрыі; інжынернае суправаджэнне праектаў, уласная вытворчасць на заводзе «VDS». Асноўныя распрацоўкі з наступным укараненнем: фірменны стыль кампаніі «Беларуснафта» (1996), знешняе аблічча комплексаў «Tatneft» (нацыянальная нафтавая кампанія Татарстана, 2005); фірменны стыль аўтацэнтраў «Лада» і УАЗ (2006), фірменны стыль для АЗС кампаніі «А-100» Беларусь (2007), фірменны стыль і архітэктурная ідэя для сеткі АЗС дзяржаўнай кампаніі Казахстана «Казмунайгаз» (2010), фірменны стыль сеткі АЗС нацыянальнага аператара Украіны кампаніі OKKO (2011). Распрацоўка для НК «Лукойл» новага фірменнага стылю і архітэктуры АЗС з наступным укараненнем ва ўсіх краінах свету (2012). Распрацоўка фірменнага стылю для нафтавай кампаніі «Rompetrol» Румынія (2013).

Удзельнічае ў міжнародных выстаўках у Маскве і Варшаве з 1996 года.

Зноскі

Літаратура[правіць | правіць зыходнік]

Шишко Алексей Степанович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)