Анатоль Піліпавіч Жлоба

Анатоль Піліпавіч Жлоба
Дата нараджэння	21 кастрычніка 1923(1923-10-21)
Месца нараджэння	Папоўка, Быхаўскі павет, Расійская імперыя
Дата смерці	19 жніўня 1995(1995-08-19) (71 год)
Грамадзянства	СССР
Род дзейнасці	навуковец
Навуковая сфера	хірургія
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук (1988)
Навуковае званне	прафесар
Альма-матар	Віцебскі медыцынскі інстытут (1954)
Узнагароды

Анатоль Піліпавіч Жло́ба (21 кастрычніка 1923 — 19 жніўня 1995) — беларускі вучоны ў галіне хірургіі, доктар медыцынскіх навук (1988), прафесар. Удзельнік Вялікай Айчыннай вайны.

Біяграфія

Нарадзіўся 21 кастрычніка 1923 года ў вёсцы Папоўка Быхаўскага павета Гомельскай губерні РСФСР (зараз у Быхаўскім раёне Магілёўскай вобласці Беларусі).

З 1943 па 1948 гады ў Чырвонай Арміі, удзельнік Вялікай Айчыннай вайны. У 1954 годзе скончыў Віцебскі медыцынскі інстытут. Працаваў ардынатарам хірургічнага аддзялення ў Днепрапятроўскай вобласці. У 1957—1958 гадах праходзіў навучанне ў клінічнай ардынатуры 20-й хірургічнай клінікі ў Ленінградзе. Працаваў у Томску загадчыкам хірургічнага аддзялення. У 1968—1995 гадах у Віцебскім медыцынскім інстытуце. У 1988 годзе абараніў доктарскую дысертацыю. У 1971—1985 гадах — прарэктар Віцебскага медыцынскага інстытута.

Памёр 19 жніўня 1995 года.

Навуковая дзейнасць

Вучонаму належаць працы па абдамінальнай хірургіі, інструментальных метадах дыягностыкі хвароб брушной поласці і інш. Вынайшаў хірургічную іголку для пункцый брушной поласці.

Узнагароды

• Ордэн Айчыннай вайны 2 ступені,
• Ордэн Славы 3 ступені,
• медалі,
• значок «Выдатніку аховы здароўя».

Літаратура

• Жлоба Анатоль Піліпавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 433. — 10 000 экз. — ISBN 985-11-0035-8. — ISBN 985-11-0106-0 (т. 6).
• Жлоба Анатолий Филиппович // Регионы Беларуси : энциклопедия : в 7 т. — Минск, 2020. — Т. 6 : Могилевская область : в 2 кн., кн. 1. — С. 271.
• Анатолий Филиппович Жлоба (к 70-летию со дня рождения) // Здравоохранение Беларуси. — 1994. — № 1. — С. 69.

Спасылкі

• Жлоба Анатоль Філіповіч // Сайт Быхаўскага раённага выканаўчага камітэта Архівавана 16 верасня 2018.
• Край мой Магілёўшчына // Магілёўская абласная бібліятэка імя У. І. Леніна Архівавана 12 лістапада 2022.
• Жлоба, Анатолий Филиппович (доктор медицинских наук; 1923—1995) // Нацыянальная бібліятэка Беларусі