Андрэй Аркадзевіч Шпунт

Андрэй Аркадзевіч Шпунт
Дата нараджэння	1969
Месца нараджэння	Мінск, Беларуская ССР, СССР
Бацька	Аркадзь Самуілавіч Шпунт
Род дзейнасці	гісторык, архівіст
Месца працы	Нацыянальны мастацкі музей Рэспублікі Беларусь Нацыянальны гістарычны архіў Беларусі Дзяржкамархіў Навукова-даследчы інстытут Узброеных Сіл Рэспублікі Беларусь[d]
Навуковая ступень	кандыдат гістарычных навук (2008)
Альма-матар	БДУ (1997)

Андрэй Аркадзевіч Шпунт (нар. 1969, Мінск) — беларускі гісторык, архівіст. Кандыдат гістарычных навук (2008). Сын вядомага беларускага рэстаўратара Аркадзя Шпунта.

Біяграфія

Скончыў у 1997 годзе БДУ. У 1989—1994 гадах супрацоўнік аддзела старажытнабеларускага мастацтва Нацыянальнага мастацкага музея Беларусі. У 1996—1998 гадах супрацоўнік Нацыянальнага гістарычнага архіва Беларусі (генеалагічныя даследаванні), у 1998—2000 гадах — вядучы спецыяліст Дзяржкамархіва (геральдыка і генеалогія).

У 2008 годзе абараніў кандыдацкую дысертацыю па тэме «Перыядызацыя і класіфікацыя гарадской геральдыкі Беларусі». Навуковы супрацоўнік Навукова-даследчага інстытута Узброеных Сіл Рэспублікі Беларусь.

Навуковая дзейнасць

Аўтар шэрагу навуковых і папулярных публікацый па айчыннай ваеннай гісторыі і геральдыцы.

Аўтар зацверджаных праектаў гербаў Маладзечна, Мар’інай Горкі, Заслаўя, Крупак, Акцябрскага (Рудабелка), Белаазёрска, Івянца і інш.

Спасылкі

• Шпунт, Андрэй Аркадзьевіч (нар. 1969) // Нацыянальная бібліятэка Беларусі