Герб Крупак
| Герб Крупак | |
|---|---|
 |
|
| Дэталі | |
Шчыт |
іспанскі |
Герб Крупак — геральдычны знак горада Крупак (Мінская вобласць, Беларусь).
Апісанне[правіць | правіць зыходнік]
Блакітнае поле іспанскага шчыта перасякае сярэбраны хвалісты пояс, які сімвалізуе раку і падзяляе шчыт на дзве часткі. У верхняй частцы сярэбранае кола вадзянога млына, у ніжняй -- сярэбраная сцябло травы Крупкі дуброўнай з залатымі кветкамі. Герб зарэгістраваны ў Гербавым матрыкуле Рэспублікі Беларусь 22 чэрвеня 1999 года пад № 35.
Рака[правіць | правіць зыходнік]
Выказвалася думка пра паходжанне назвы горада ад рэчкі Крупкі (Крупенiцы, Курнееўкі), якая цяпер працякае праз горад і ўпадае ў Бобр, быццам гідронім Крупка ў старабеларускай мове меў значэнне 'кароткі, незамярзалы рачны прыток', а Крупка была менавіта такой да маштабнай меліярацыі. Аўтары засноўваюць сцвярджэнне на аналогіі, на іх думку, назвы многіх паселішчаў у рэгіёне паходзіць ад гідронімаў, прыкладамі яны даюць вёскі Начу на рацэ Начы, Еленку на Еленцы, Мажаны на Можы, Свiрыдаўку на Свiрыдаўцы, Плісу на Плісе, пасёлак Бобр на Бабры.[1] Аднак, Гістарычны слоўнік беларускай мовы ведае слова крупка ў адзіным значэнні 'дробназярністая соль'[2]. Паходжанне ж тапонімаў трэба разглядаць паасобку і ў гістарычным кантэксце, бо зваротная з'ява -- названне ракі ад паселішча на ёй, была настолькі ж распаўсюджаная.
Вадзяны млын[правіць | правіць зыходнік]
На думку аўтараў вадзяны млын быў візітнай карткай мястэчка Крупкі на працягу XVII—XIX стагоддзяў. Упершыню ён згадваецца ў тарыфе падымнага падатку Аршанскага павета за 1667 год, згадваецца і пазней -- у 1765, 1812, 1859 гадах. Слоўнік геаграфічны Каралеўства Польскага і іных краёў славянскіх 1880 года выдання паведамляе: «У мястэчку Крупцы губерні Магілёўскай на Бабры ёсць млыны, на якіх вырабляецца найдалікатнейшая мука пшанічная і пад назвай Крупецкай альбо Крупчаткі развозіцца да найгалоўнейшых гарадоў»[3].
Трава-кветка[правіць | правіць зыходнік]
Травяністая расліна Крупка дуброўная расце па берагах Бабра і Крупеніцы і ў ваколіцах горада. Найменне расліны супадае з імем ракі і горада, што падалося складальнікам герба вартым змяшчэння як "галінкі" на гербе горада.[1]
Зноскі[правіць | правіць зыходнік]
- ↑ а б http://krupki.gov.by/be/regijon/geraldyka Архівавана 20 кастрычніка 2022.
- ↑ ГСБМ. -- Т. 16. -- С. 183.
- ↑ Bobr // Słownik geograficzny Królestwa Polskiego i innych krajów słowiańskich. Tom I: Aa — Dereneczna (польск.). — Warszawa, 1880. S. 258.
Спасылкі[правіць | правіць зыходнік]
- Герб города Крупки // «Геральдика Беларуси» (руск.)
- ГЕРБ ГОРАДА КРУПКІ Архівавана 2 кастрычніка 2018. // http://www.krupki.gov.by/ Архівавана 24 кастрычніка 2008.
 | ||
|---|---|---|
| Гарады |  | |
| Гарадскія пасёлкі | ||
| Раёны | ||
1 не ўваходзіць у склад вобласці Курсівам пазначаны гербы, якія не маюць афіцыйнага статуса ў сучаснай Беларусі | ||