Андрэй Рыгоравіч Ніканаў

Андрэй Рыгоравіч Ніканаў
Андрэй Рыгоравіч Ніканаў
	Андрей Григорьевич Никонов
Дата нараджэння	19 жніўня 1901
Месца нараджэння	Белазёркі[d], Сельскае пасяленне Красны Яр[d], Краснаярскі раён[d], Расія;
Дата смерці	30 студзеня 1944 (42 гады)
Месца смерці	Гомельская вобласць, БССР, СССР;
Месца пахавання	Калінкавічы;
Прыналежнасць	СССР
Род войскаў	пяхота
Гады службы	1919—1944
Званне	Падпалкоўнік
Бітвы/войны	Вялікая Айчынная вайна

Андрэй Рыгоравіч Ніканаў (1901—1944) — падпалкоўнік Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1943).

Біяграфія[правіць | правіць зыходнік]

Андрэй Ніканаў нарадзіўся 19 жніўня 1901 года ў сяле Белазёркі (цяпер — Краснаярскі раён Самарскай вобласці). Пасля заканчэння пачатковай школы працаваў у сельскай гаспадарцы. У 1919 годзе Ніканаў пайшоў на службу ў Рабоча-сялянскую Чырвоную Армію. У 1926 годзе ён скончыў пяхотную школу, у 1938 годзе — Маскоўскае ваенна-гаспадарчае вучылішча. З ліпеня 1941 года — на франтах Вялікай Айчыннай вайны^[1].

Да кастрычніка 1943 года падпалкоўнік Андрэй Ніканаў камандаваў 685-м стралковым палком 193-й стралковай дывізіі 65-й арміі Цэнтральнага фронту. Вызначыўся падчас бітвы за Дняпро. 15 кастрычніка 1943 года полк Ніканава паспяхова пераправіўся праз Дняпро у раёне вёскі Каменка Рыпкынскага раёна Чарнігаўскай вобласці Украінскай ССР і захапіў плацдарм на яго заходнім беразе, утрымаўшы яго для наступу асноўных сіл.

Указам Прэзідыума Вярхоўнага Савета СССР ад 30 кастрычніка 1943 года за «ўмелае камандаванне палком, узорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым мужнасць і гераізм» падпалкоўнік Андрэй Ніканаў быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка» за нумарам 1025^[1].

30 студзеня 1944 года Ніканаў загінуў у баі. Пахаваны ў брацкай магіле ў горадзе Калінкавічы Гомельскай вобласці Беларусі^[1].

Быў таксама ўзнагароджаны ордэнамі Чырвонага Сцяга і Айчыннай вайны 1-й ступені^[1].

У гонар Ніканава перайменавана вёска Рылавічы (Ніканава) Калінкавіцкага раёна і названа вуліца ў Калінкавічах.

Зноскі

↑ ^а ^б ^в ^г Андрэй Рыгоравіч Ніканаў на сайце «Героі краіны»

Літаратура[правіць | правіць зыходнік]

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Подвиг во имя Родины. Книга 2. Куйбышев, 1968.
Подвиг во имя Родины. Книга 3. Куйбышев, 1975.

[wh-1] а ^б ^в ^г Андрэй Рыгоравіч Ніканаў на сайце «Героі краіны»

[1]