Армія маджахедаў (Ірак)

Армія маджахедаў
З'яўляецца часткай	Фронт джыхаду і рэформаў, Палітычны савет іракскага супраціву
Ідэалогія	нацыяналізм, ісламізм
Рэлігійная прыналежнасць	іслам (сунізм)
Актыўная ў	Ірак
Сфарміравана	2004
Саюзнікі	Ісламская армія ў Іраку
Праціўнікі	Міжнародныя кааліцыйныя сілы ў Іраку, Узброеныя сілы Ірака, Ісламская дзяржава
Удзел у канфліктах	Іракская вайна, Грамадзянская вайна ў Іраку, Барацьба з тэрарызмам у Іраку пасля 2017 года

Армія маджахедаў (араб. جيش المجاهدين‎‎, Джэйш аль-Муджахідзін) — ісламісцкая паўстанцкая групоўка суніцкага толку, якая дзейнічае на тэрыторыі Ірака. Была сфарміравана не раней 2004 года, ужо пасля ўварвання ў краіну войскаў міжнароднай кааліцыі на чале з ЗША. З’яўляецца адным з заснавальнікаў арганізацыі «Фронт джыхаду і рэформаў» і ўваходзіць у склад «Палітычнага савета іракскага супраціву».

Ідэалогія

Нягледзячы на тое, што члены «Армія маджахедаў» з’яўляюцца прыхільнікамі радыкальнага ісламізму, у ідэалогіі групоўкі паступова стаў назірацца нацыяналістычны ўхіл. Як мяркуецца, баевікі пераследуюць тыя ж мэты, што і іх саюзнікі з арганізацыі «Ісламская армія ў Іраку». Члены групоўкі заклікалі да ажыццяўлення тэрактаў на тэрыторыі Даніі і Нарвегіі, а таксама пагражалі паходам на Ватыкан.

Дзейнасць

Групоўка нясе адказнасць за шэраг нападаў, здзейсненых на прадстаўнікоў сіл міжнароднай кааліцыі. Заявы аб датычнасці да тэрактаў баевікі як правіла размяшчаюць на сваім сайце ў Інтэрнеце. У прыватнасці групоўка ўзяла на сябе адказнасць за два збітыя верталёты ў 2006 і 2007 гадах. Аб кіраўніцтве групоўкі вядома няшмат. У шэрагах арганізацыі знаходзяцца як былыя прыхільнікі партыі Баас, так і радыкальныя ісламісты. Тым не менш, большасць палявых камандзіраў раней служылі ў садамаўскай арміі (хоць і не падзялялі ідэі баасізму), а пасля ўварвання амерыканскіх войскаў далучыліся да ісламістаў.